పవర్‌ఫుల్ లుక్‌లో మహదేవ శాస్త్రి

నటుడిగా, నిర్మాతగా సినిమా రంగంలో మోహన్ బాబుది 50 ఏళ్ల సుధీర్ఘ ప్రయాణం. ఈరోజు నట ప్రపూర్ణ మోహన్ బాబు పుట్టినరోజు. ఈ సందర్భంగా 'కన్నప్ప' చిత్రం నుంచి మోహన్ బాబు పోషిస్తున్న మహదేవ శాస్త్రి సాంగ్ గ్లింప్స్ ను రిలీజ్ చేశారు. ఓం నమః శివాయ అంటూ సాగే ఈ గీతాన్ని స్టీఫెన్ దేవస్సీ సంగీతంలో సుద్దాల అశోక్ తేజ రాయగా శంకర్ మహాదేవన్ ఆలపించాడు.

ఈ పాటలో మోహన్ బాబు మహాదేవ శాస్త్రిగా ఎంతో పవర్‌ఫుల్ గా కనిపిస్తున్నారు. సినిమాలో ఈ రోల్ ఎంతో కీలకంగా ఉండబోతున్నట్టు ఈ విజువల్స్ చూస్తే అర్థమవుతుంది. ఇప్పటికే 'కన్నప్ప' నుంచి విడుదలైన రెండు పాటలకు మంచి రెస్పాన్స్ దక్కింది. ఇప్పుడు మూడో పాటగా వచ్చిన ఈ గీతం కూడా బాగా ఆకట్టుకుంటుంది. ముఖేష్ కుమార్ సింగ్ తెరకెక్కిస్తున్న ఈ సినిమా ఏప్రిల్ 25న వరల్డ్ వైడ్ గా విడుదలవుతుంది.