'కుబేర' ఓటీటీ పార్టనర్ లాక్డ్!
వెర్సటైల్ యాక్టర్ ధనుష్, కింగ్ నాగార్జున, నేషనల్ క్రష్ రష్మిక ప్రధాన పాత్రల్లో నటించిన 'కుబేర' నిన్న విడుదలై థియేటర్లలో మంచి రెస్పాన్స్ దక్కించుకుంటుంది. డైరెక్టర్ శేఖర్ కమ్ముల ఈ చిత్రాన్ని తెరకెక్కించిన విధానానికి ఇటు తెలుగు, అటు తమిళ ఆడియన్స్ బ్రహ్మరథం పడుతున్నారు.
ప్రస్తుతం థియేటర్లలో సక్సెస్‌ఫుల్ గా రన్ అవుతున్న ఈ సినిమా.. ఇప్పుడు డిజిటల్ – శాటిలైట్ స్ట్రీమింగ్ పార్ట్‌నర్స్‌ను కూడా ఫిక్స్ చేసుకుంది. ప్రముఖ ఓటీటీ ప్లాట్‌ఫామ్ అమెజాన్ ప్రైమ్ వీడియో ఈ మూవీకి డిజిటల్ పార్టనర్ గా ఫిక్సయ్యింది. అలాగే శాటిలైట్ రైట్స్ ను స్టార్ మా ఛానెల్ దక్కించుకుంది.
సునీల్ నారంగ్, పుస్కుర్ రామ్మోహనరావు సంయుక్తంగా నిర్మించిన ఈ చిత్రానికి రాక్‌స్టార్ దేవిశ్రీ ప్రసాద్ సంగీతం ఎంతో ప్లస్ అయ్యింది. ఫస్ట్ డే పాజిటివ్ టాక్ తెచ్చుకున్న 'కుబేర'కు.. శనివారం, ఆదివారం హాలిడేస్ కలిసి రానున్నాయి. ఈ వీకెండ్ వరకే ఈ చిత్రం రూ.100 కోట్ల మార్కును దాటే అవకాశాలున్నాయని అంచనా వేస్తున్నారు ట్రేడ్ పండిట్స్.