500 కోట్ల క్లబ్ లో ‘కాంతార‘

హోంబలే ఫిల్మ్స్ నిర్మించిన ‘కాంతార చాప్టర్ 1‘ వరల్డ్ వైడ్ గా వసూళ్ల తుఫాన్ సృష్టిస్తుంది. కన్నడ సెన్సేషనల్ యాక్టర్ కమ్ డైరెక్టర్ రిషబ్ శెట్టి ఈ చిత్రాన్ని రూపొందించాడు. విడుదలైన తొలి రోజు నుంచే బ్లాక్ బస్టర్ టాక్ తెచ్చుకున్న ఈ చిత్రం ఫస్ట్ వీక్ కే వరల్డ్ వైడ్ గా రూ.509 కోట్ల గ్రాస్ కలెక్ట్ చేసింది.

దక్షిణాది సినీ పరిశ్రమలో మరో అద్భుతం సృష్టించింది ‘కాంతార చాప్టర్ 1’. కర్ణాటకలోని ఓ మారుమూల ప్రాంతాన్ని నేపథ్యంగా తీసుకుని రూపొందించిన ఈ ఫాంటజీ మిథికల్ డ్రామా దేశం మొత్తం ప్రేక్షకుల మనసులు గెలుచుకుంది. తక్కువ బడ్జెట్‌తో రూపొందినా ‘కాంతార’ చూపించిన స్కేల్, భావోద్వేగం, టెక్నికల్ నైపుణ్యం సినీ ప్రేమికులను విపరీతంగా ఆకట్టుకుంటుంది.

దేశవ్యాప్తంగా మాత్రమే కాదు, విదేశాల్లో కూడా ‘కాంతార‘ ప్రభంజనం కొనసాగుతోంది. నార్త్ అమెరికా మార్కెట్‌లో 3 మిలియన్ డాలర్లకు పైగా సాధించి మరో మైలురాయిని చేరుకుంది. రుక్మిణి వసంత్ హీరోయిన్‌గా నటించిన ఈ చిత్రంలో జయరామ్, గుల్షన్ దేవయ్య పాత్రలు ఎంతో ప్రత్యేకంగా నిలిచాయి. అజనీష్ లోక్ నాథ్ మరోసారి తన బ్యాక్ గ్రౌండ్ మ్యూజిక్ తో మ్యాజిక్ చేశాడు. మొత్తంగా.. లాంగ్ రన్ లో ‘కాంతార చాప్టర్ 1‘ ఇంకా ఎలాంటి వసూళ్ల రికార్డులు సృష్టిస్తుందో చూడాలి.