లండన్ లో మెగాస్టార్ కి ఘన స్వాగతం!
మెగాస్టార్ చిరంజీవి సినీ పరిశ్రమకు నాలుగున్నర దశాబ్దాలుగా చేస్తున్న సేవలు, వ్యక్తిగతంగా చేపట్టిన సేవా కార్యక్రమాలను గుర్తిస్తూ యునైటెడ్ కింగ్‌డమ్ ప్రభుత్వం ఆయనను ‘జీవిత సాఫల్య పురస్కారం’తో సత్కరించనుంది. ఈ పురస్కారాన్ని మార్చి 19న లండన్‌లోని హౌస్ ఆఫ్ కామన్స్‌లో అందించనున్నారు.
ఈ మేరకు చిరంజీవి లండన్ చేరుకోగా, విమానాశ్రయంలో అభిమానులు ఆయనకు ఘన స్వాగతం పలికారు. ‘వెల్‌కమ్ అన్నయ్యా’ అంటూ ఫ్లెక్సీలతో సందడి చేస్తూ ఆయనతో ఫోటోలు దిగారు. ఈ వేడుకకు యూకే లేబర్ పార్టీ ఎంపీ నవేందు మిశ్రా నేతృత్వం వహించనున్నారు.
సినిమాల విషయానికొస్తే, చిరంజీవి ప్రస్తుతం ‘విశ్వంభర’లో నటిస్తుండగా, శ్రీకాంత్ ఓదెల, అనిల్ రావిపూడి దర్శకత్వంలో రెండు కొత్త ప్రాజెక్టులకు గ్రీన్ సిగ్నల్ ఇచ్చారు. ఈ ఏడాదిలో ‘విశ్వంభర‘, వచ్చే సంక్రాంతి బరిలో అనిల్ రావిపూడి సినిమాలు రావడం పక్కా అనేది మెగా న్యూస్.