‘జటాధర‘ నుంచి పార్టీ సాంగ్

టాలెంటెడ్ హీరో సుధీర్ బాబు ఈసారి పాన్ ఇండియా హిట్ కొట్టేందుకు రెడీ అవుతున్నాడు. ‘జటాధర‘ అంటూ సోషియో ఫాంటసీ మూవీతో వస్తున్నాడు. సుధీర్, సోనాక్షి సిన్హా ప్రధాన పాత్రల్లో ఈ చిత్రాన్ని వెంకట్ కళ్యాణ్, అభిషేక్ జైస్వాల్ తెరకెక్కిస్తున్నారు. ఉమేష్ కుమార్ బన్సల్, శివిన్ నారంగ్, అరుణ అగర్వాల్, ప్రేరణ అరోరా, శిల్పా సింఘాల్, నిఖిల్ నందా నిర్మిస్తున్న ఈ చిత్రాన్ని జీ స్టూడియోస్ వరల్డ్ వైడ్ గా రిలీజ్ చేస్తుంది.

నవంబర్ 7న విడుదలకు ముస్తాబవుతున్న ‘జటాధర‘ ప్రమోషన్స్ ఇప్పటికే షురూ అయ్యాయి. లేటెస్ట్ గా ఈ మూవీ నుంచి ‘ట్రెండ్ సెట్ చెయ్ పిల్లోడా‘ అంటూ సాగే పాట రిలీజయ్యింది. రాయిస్, జెయిన్, శామ్ కంపోజ్ చేసిన మ్యూజిక్ లో శ్రీమణి రాసిన ఈ పాటను స్పూర్తి జితేందర్, రాజీవ్ రాజ్ ఆలపించారు. ఈ పార్టీ సాంగ్ లో తనదైన ఎనర్జిటిక్ స్టెప్పులతో అదరగొట్టాడు సుధీర్ బాబు.