భారత్-అమెరికా మినీ ట్రేడ్ డీల్‌కు రంగం సిద్ధం!
భారత్ మరియు అమెరికా మధ్య ఎంతోకాలంగా ఎదురుచూస్తున్న మినీ ట్రేడ్ డీల్పై ఆఖరి ఒప్పందం జరగనుందని, రాత్రి 10 గంటల IST సమయానికి అధికారిక ప్రకటన వెలువడే అవకాశముందని ఇద్దరు దేశాల ప్రభుత్వ వర్గాలు తెలిపాయి.
ఈ ఒప్పందం ద్వారా కొన్ని ప్రత్యేకమైన వాణిజ్య అడ్డంకుల తొలగింపుతో పాటు, ద్వైపాక్షిక ఆర్థిక సహకారం మరింత బలపడనుంది. ముఖ్యంగా దిగుమతులపై టారిఫ్‌ తగ్గింపులు, కీలక వస్తువుల మార్కెట్‌కు మరింత ప్రాముఖ్యత కల్పించడం, డిజిటల్ వాణిజ్యం,వంటి అభివృద్ధి చెందుతున్న రంగాల్లో సహకారం తదితర అంశాలు ఇందులో ఉండే అవకాశముంది.
ఇప్పటివరకు అనేక నెలలుగా సాగిన చర్చలు, ఇటీవల జలగిన ఉన్నతస్థాయి వాణిజ్య అధికారుల మధ్య చర్చల అనంతరం కీలక మలుపు తిప్పాయని ఆయా వర్గాలు పేర్కొన్నాయి. ఈ ఒప్పందం భవిష్యత్‌లో భారత్-అమెరికా మధ్య పూర్తి స్థాయి ఫ్రీ ట్రేడ్ అగ్రిమెంట్ (FTA) కు ముంగిట కావచ్చని నిపుణులు అంచనా వేస్తున్నారు.
ఈ రోజు రాత్రి వెలువడనున్న అధికారిక ప్రకటనలో ఒప్పందంలోని రంగాలు, ప్రత్యేక నిబంధనలు తదితర అంశాలపై మరిన్ని వివరాలు వెల్లడించనున్నారని సమాచారం.
ఇది రెండు దేశాల మధ్య వ్యూహాత్మక సంభాషణల్లో కీలకంగా ఉన్న వాణిజ్య సంబంధాలను మరింత బలపరిచే దిశగా ఒక కీలకమైన అడుగు కానుంది.