హిమాచల్ ప్రదేశ్‌లో ప్రకృతి ప్రళయరూపం
హిమాచల్ ప్రదేశ్ రాష్ట్రాన్ని గత కొన్ని రోజులుగా కరుణించని వర్షాలు ముంచెత్తుతున్నాయి. మాండి, కుల్లు, షిమ్లా, కిన్నౌర్, చాంబా జిల్లాల్లో భారీ వర్షాల కారణంగా మళ్లీ మళ్లీ కొండలు చర్యలు జారటం, వరదలు సంభవిస్తున్నాయి.రాష్ట్రంలో ఇప్పటివరకు 192 మంది మృతిచెందినట్లు ప్రభుత్వం వెల్లడించింది, ఇందులో 106 మంది ప్రకృతి విపత్తుల వల్ల (వర్షం, వరద, కొండచరియలు జారటం), మిగతా వారు రోడ్డు ప్రమాదాల కారణంగా మరణించారు.
భారీ వర్షాల ప్రభావంతో రాష్ట్రవ్యాప్తంగా 617 రహదారులు మూసివేయబడ్డాయి, అందులో 4 జాతీయ రహదారులు ఉన్నాయి. పలు ప్రాంతాల్లో విద్యుత్ సరఫరా పూర్తిగా నిలిచిపోయింది, నీటి వ్యవస్థలు దెబ్బతిన్నాయి. మండి జిల్లాలో మాత్రమే ₹54 కోట్ల రూపాయల ఆస్తి నష్టం జరిగినట్లు అధికారులు పేర్కొన్నారు. షిమ్లా జిల్లాలో పాఠశాలలు మూసివేయబడ్డాయి.
ఈ వర్షాభారమైన పరిస్థితుల మధ్య, కిన్నర్ కైలాష్ యాత్రలో పాలుపంచుకున్న 413 మంది భక్తులు కిన్నౌర్ జిల్లా తాంగ్లింగ్ ప్రాంతంలో వరదల మధ్య చిక్కుకున్నారు. అకస్మికంగా వచ్చిన వరదలతో రెండు వంతెనలు కొట్టుకుపోయి మార్గం తెగిపోయింది. ఈ పరిస్థితిలో ఇండో టిబెటన్ బార్డర్ పోలీస్ (ITBP) మరియు NDRF బలగాలు రంగంలోకి దిగాయి.వారు అత్యంత సాహసోపేతంగా rope-based traverse technique (zipline తరహా) ఉపయోగించి భక్తులను సురక్షితంగా రక్షించారు. ఈ ఆపరేషన్ సుమారు 9 గంటల పాటు కొనసాగింది. ఒక్కో భక్తుడిని జిప్‌లైన్ సహాయంతో ప్రవాహం మీదుగా పక్క వైపు తరలించారు.
ఈ సంఘటన అనంతరం కిన్నర్ కైలాష్ యాత్రను తాత్కాలికంగా నిలిపివేసినట్లు అధికారులు ప్రకటించారు. వాతావరణ పరిస్థితులు ఇంకా చక్కబడకపోవడంతో భద్రతే ప్రధానంగా పరిగణనలోకి తీసుకున్నారు. భవిష్యత్తులో ఇలాంటి ఘటనలు జరగకుండా తగిన చర్యలు తీసుకుంటామని ప్రభుత్వం హామీ ఇచ్చింది.
హిమాచల్ ప్రదేశ్, ఉత్తరాఖండ్ రాష్ట్రాల్లో రాబోయే రోజుల్లో భారీ వర్షాలు కురిసే అవకాశం ఉందని భారత వాతావరణ శాఖ (IMD) హెచ్చరించింది. కొన్ని జిల్లాల్లో ఆరెంజ్ అలర్ట్, కొన్ని చోట్ల రెడ్ అలర్ట్ కూడా జారీ చేసింది. ప్రజలు అవసరం లేనప్పుడు ప్రయాణాలు చేయవద్దని, అప్రమత్తంగా ఉండాలని అధికార యంత్రాంగం సూచించింది.
ఈ ఘటనలో ITBP సిబ్బంది చూపిన శ్రమ, ధైర్యానికి దేశమంతటినుంచి ప్రశంసలు వెల్లువెత్తుతున్నాయి. ప్రజలు మరియు భక్తులు వారి రక్షణ చర్యలను కంటతడి పెట్టేంతగా అభినందిస్తున్నారు. ఇది కేవలం ఓ రిస్క్యూ కాదు, ఇది మనిషితనానికి ఓ గొప్ప ఉదాహరణగా నిలిచింది.