చంద్రబాబు పై కర్ణాటక మంత్రి కౌంటర్
క్వాంటమ్ కంప్యూటర్ అనేది అతి అధునాతన కంప్యూటింగ్ సాంకేతికత. ఇది సాధారణ కంప్యూటర్ కన్నా వేలాది రెట్లు వేగంగా సంక్లిష్ట లెక్కలు చేయగలదు. ఈ టెక్నాలజీ బహుళ పరిశోధనలకు, డేటా విశ్లేషణకు, ఆయుధ, ఆరోగ్య, అంతరిక్ష రంగాల్లో విప్లవాత్మక మార్పులు తీసుకురావచ్చు.
ఆంధ్రప్రదేశ్ సీఎం చంద్రబాబు నాయుడు ఇటీవల తన విదేశీ పర్యటనల్లో భాగంగా క్వాంటమ్ టెక్నాలజీపై భారీ ప్రణాళికలు ప్రకటించారు. ఆయన అమరావతిలో "క్వాంటమ్ వ్యాలీ" అనే స్పెషల్ టెక్ సిటీని ఏర్పాటు చేయబోతున్నట్టు చెప్పారు. ఇందులో భారత్‌లోనే మొట్టమొదటి స్వదేశీ క్వాంటమ్ కంప్యూటర్‌ను నిర్మించాలని లక్ష్యంగా పెట్టుకున్నారు. దీనికి భారీగా పెట్టుబడులు వస్తాయని, రాష్ట్రానికి టెక్నాలజీ కేంద్రంగా గుర్తింపు వచ్చే అవకాశముందని పేర్కొన్నారు.
అయితే ఈ ప్రకటనలపై కర్ణాటక ఐటీ శాఖ మంత్రి ఎన్‌.ఎస్‌.బోస్ రాజు స్పందిస్తూ, ఏపీ ప్రభుత్వం చెబుతున్నట్టు క్వాంటమ్ కంప్యూటర్ నిర్మాణం వారు మొదటిసారిగా చేస్తున్నదని భావించకూడదని అన్నారు. ఇప్పటికే బెంగళూరులో CUPAI-AI అనే సంస్థ ఇండియాలో తొలి వాణిజ్య క్వాంటమ్ కంప్యూటర్‌ను నిర్మించి, ఏప్రిల్ 2025 నుంచి సేవలు ప్రారంభించిందని స్పష్టంగా చెప్పారు.
ఇప్పటికే బెంగళూరు వంటి నగరాలు టెక్నాలజీ రంగంలో ఆధిపత్యం చాటుతున్నాయని బోస్ రాజు తెలిపారు. చంద్రబాబు చేస్తున్న ప్రకటనలు రాజకీయ ప్రాచుర్యాన్ని పెంచడానికే అని, వాస్తవికంగా దేశంలో టెక్ అభివృద్ధిలో ముందుండే రాష్ట్రం మాత్రం కర్ణాటకే అని తేల్చేశారు.దీనిని భట్టి చూస్తే ఈ క్వాంటమ్ రంగంలో రెండు రాష్ట్రాల మధ్య ఒక బలమైన టెక్నాలజీ ఆధిపత్య పోటీ కనిపిస్తోంది.
ఈ రెండు రాష్ట్రాల్లోనూ క్వాంటమ్ టెక్నాలజీపై దృష్టి పెరగడం విద్యార్థులకు, పరిశోధకులకు, పరిశ్రమలకు పెద్ద అవకాశం. టెక్నాలజీ రంగంలో పనిచేయాలనుకునే యువతకు ఇది గొప్ప ఆవకాశం అవుతుంది. ప్రభుత్వాలు దీన్ని వ్యాపార రాజకీయాల కోసం కాకుండా, యువతకు శిక్షణ ఇవ్వడానికి వినియోగిస్తే, దేశానికి పెద్ద మేలు జరుగుతుంది.
సాంకేతిక విజ్ఞానం ద్వారా అభివృద్ధి సాధించాలన్న రాష్ట్రాల ప్రయత్నం ప్రశంసనీయం. అయితే ఎవరు మొదటి అని నిరూపించుకోవడం కంటే, భారతదేశం మొత్తం ఎలా ముందుకు వెళ్లాలో దానిపైనే దృష్టి పెట్టడం మంచిది. చంద్రబాబు తీసుకుంటున్న ప్రణాళికలు, కర్ణాటక ఇప్పటికే చేసిన ముందడుగులు, ఇవన్నీ భారత టెక్ రంగానికి మేలు చేసే మార్గమే కావాలి కానీ రెండు రాష్ట్రాల ఆధిపత్య పోరు కాకూడదు.
ఇందులో గమనించాల్సిన విష్యం ఆంధ్ర రాష్ట్రంలో ఇప్పుడిపుడే IT రంగం అభివృద్ధికి పెద్ద పీట వేసింది.మరింత టెక్నాలజీ ఏపీకి తీసుకురావడం ద్వారా ఆంధ్ర రాష్ట్రాన్ని IT హబ్ గా మార్చడానికి చంద్రబాబు చాలా ప్రయత్నాలు చేస్తున్నారు.ఇక్కడ సంస్థలు ఏర్పరచుకోవడాని ఏపీ ప్రభుత్వం రాయితీలతో భూములని కేటాయించడం పక్క రాష్ట్ర నాయకులకు కూసంత కలవరపాటుకి గురిచేస్తూ ఉండచ్చు.ఏది ఏమైనా ఇలాంటి సంస్థలు రావటం రాష్ట్ర ప్రయోజనాలతో పాటు అంతర్జాతీయంగా భారతదేశం కూడా బలమైన దేశంగా కీర్తించపడుతుంది.