హైకోర్టు న్యాయమూర్తిగా జస్టిస్ బట్టు దేవానంద్

మద్రాసు హైకోర్టు నుంచి బదిలీపై వచ్చిన జస్టిస్ బట్టు దేవానంద్, సోమవారం (జూలై 28, 2025) ఆంధ్రప్రదేశ్ హైకోర్టులో న్యాయమూర్తిగా ప్రమాణస్వీకారం చేశారు. హైకోర్టు ప్రధాన న్యాయమూర్తి జస్టిస్ ధీరజ్ సింగ్ ఠాకూర్ ఆయన్ను ప్రమాణస్వీకారం చేయించారు.

జస్టిస్ దేవానంద్ 2020లో ఏపీ హైకోర్టు న్యాయమూర్తిగా నియమితులయ్యారు. తర్వాత 2023లో మద్రాస్ హైకోర్టుకు బదిలీ అయ్యారు. సుప్రీం కోర్టు కొలీజియం సూచన మేరకు ఆయనను మళ్లీ ఏపీకి బదిలీ చేయాలన్న ప్రతిపాదనను కేంద్ర ప్రభుత్వం ఆమోదించింది. 2025 జూలై 14న రాష్ట్రపతి ఆమోదంతో కేంద్ర న్యాయశాఖ ఉత్తర్వులు జారీ చేసింది.

జస్టిస్ దేవానంద్ పదవీకాలం 2028 ఏప్రిల్ 13 వరకు ఉంటుంది. గతంలో ఆయన హైకోర్టులో అనేక కీలక కేసుల్లో తీర్పులు ఇచ్చారు. చట్టపరమైన అనుభవం, న్యాయ పరిపక్వతతో సుప్రీం కోర్టు న్యాయమూర్తుల మండలిలో విశ్వాసం కలిగిన న్యాయమూర్తిగా పేరొందారు.

ప్రమాణ స్వీకార కార్యక్రమం హైకోర్టు మొదటి కోర్ట్ హాల్లో జరిగింది. ఈ కార్యక్రమంలో పలువురు న్యాయమూర్తులు, అడ్వకేట్ జనరల్ దమ్మాలపాటి శ్రీనివాస్, బార్ కౌన్సిల్ అధ్యక్షుడు ద్వారకానాధ్ రెడ్డి, న్యాయవాదుల సంఘ అధ్యక్షుడు కె. చిదంబరం, అదనపు సొలిసిటర్ జనరల్ ధనంజయ, అదనపు అడ్వకేట్ జనరల్ పి. సాంబశివ ప్రతాప్, పబ్లిక్ ప్రాసిక్యూటర్ ఎం. లక్ష్మీనారాయణ, హైకోర్టు రిజిష్ట్రార్ జనరల్ పార్థసారధి తదితరులు పాల్గొన్నారు.

ప్రమాణ స్వీకారానికి ముందు జస్టిస్ దేవానంద్ తన కుటుంబ సభ్యులతో కలిసి ఆంధ్రప్రదేశ్ గవర్నర్ ఏఎస్ కోసాలను భేటీ అయ్యారు. శుభాకాంక్షలు స్వీకరించిన అనంతరం హైకోర్టు కార్యక్రమానికి హాజరయ్యారు.