రామకృష్ణ ఎలక్ట్రానిక్స్ బ్యాంక్ స్కామ్‌లో అల్లు అరవింద్‌ను ప్రశ్నించిన ఈడీ
ప్రముఖ సినీ నిర్మాత, గీతా ఆర్ట్స్ అధినేత అల్లు అరవింద్‌ను ఎన్‌ఫోర్స్‌మెంట్ డైరెక్టరేట్ (ఈడీ) అధికారులు రామకృష్ణ ఎలక్ట్రానిక్స్ బ్యాంక్ స్కామ్ వ్యవహారంలో విచారణ చేపట్టారు. హైదరాబాద్‌లోని ఈడీ కార్యాలయంలో గురువారం ఉదయం అల్లు అరవింద్ హాజరయ్యారు. సుమారు మూడు గంటల పాటు అధికారులు ఆయన్ను ప్రశ్నించారు.
ఈ కేసు 2018–2019 సంవత్సరాల్లో వెలుగులోకి వచ్చిన సంగతి తెలిసిందే. రామకృష్ణ ఎలక్ట్రానిక్స్ పేరిట బ్యాంకుల నుండి పెద్ద ఎత్తున రుణాలు తీసుకుని, వాటిని మళ్లీ దారి మళ్లించారని ఆరోపణలు ఉన్నాయి. ఈ వ్యవహారంలో పలువురు ప్రముఖుల పేర్లు సంబంధం కలిగి ఉన్నట్లు అనుమానాలు వ్యక్తమవుతున్నాయి.
ఈడీ ఇప్పటికే పలు కీలక డాక్యుమెంట్లు, బ్యాంక్ లావాదేవీలను పరిశీలించినట్టు సమాచారం. అల్లు అరవింద్ ఈ సంస్థతో సంబంధాలు ఉన్నాయా? లేదా ఆయన పెట్టుబడులు, లావాదేవీలు ఏవైనా జరిగాయా అనే కోణాల్లో అధికారులు ప్రశ్నించినట్టు సమాచారం.
అయితే, విచారణ అనంతరం అల్లు అరవింద్ లేదా ఈడీ అధికారులు ఎటువంటి అధికారిక ప్రకటన చేయలేదు.
ఇంకా విచారణ కొనసాగనున్నట్లు తెలుస్తోంది. ఈ స్కామ్‌కు సంబంధించిన మరిన్ని వివరాలు త్వరలో వెలుగులోకి వచ్చే అవకాశముంది.