జీఎస్టీ శ్లాబుల మార్పుకు నిర్ణయం(GST 2.0)

మంత్రుల బృందం (GoM) ఇటీవల జీఎస్టీ శ్లాబులపై చర్చించింది. ఇప్పటి వరకు ఉన్న 12% మరియు 28% శ్లాబులను రద్దు చేసి, కేవలం 5% మరియు 18% మాత్రమే ఉంచాలని నిర్ణయించారు.ఈ కొత్త విధానాన్ని “సులభమైన జీఎస్టీ” (GST 2.0) అంటున్నారు. దీని వల్ల పన్ను విధానం సులభంగా, పారదర్శకంగా మారుతుంది. వినియోగదారులకు నేరుగా లాభం కలుగుతుంది.చిన్న వ్యాపారాలు, మధ్యతరగతి ప్రజలు, రైతులు వంటి వారందరికి ఈ మార్పు వల్ల ఉపశమనం కలుగుతుంది. పన్ను భారాన్ని తగ్గించడం, క్లిష్టత తొలగించడం ఈ నిర్ణయం యొక్క ప్రధాన ఉద్దేశ్యం.

ప్రస్తుతం జీఎస్టీ (GST)లో 5%, 12%, 18%, 28% అనే నాలుగు శ్లాబులు ఉన్నాయి. వీటిని ఇకపై రెండు మాత్రమే ఉంచాలని మంత్రుల బృందం నిర్ణయించింది. అంటే, భవిష్యత్తులో ఎక్కువ వస్తువులు కేవలం 5% లేదా 18% పన్ను కిందికి వస్తాయి.పన్ను వ్యవస్థ చాలా సులభంగా మారుతుంది. ఇప్పటివరకు ఎవరికి ఏ వస్తువుపై ఎంత పన్ను పడుతుందో అర్థం చేసుకోవడం కష్టంగా ఉండేది. కొత్త విధానం వల్ల వ్యాపారులకు కూడా సౌలభ్యం కలుగుతుంది. వినియోగదారులకు వస్తువులు తక్కువ ధరకు దొరకే అవకాశం ఉంటుంది.

ఇప్పటి 12% శ్లాబులో ఉన్న వస్తువులు ఎక్కువగా 5% కిందకు వస్తాయి.28% శ్లాబులో ఉన్న చాలా వస్తువులు 18%కి తగ్గించబడతాయి. అంటే, టీవీలు, ఫ్రిడ్జ్‌లు, ఏసీలు వంటి గృహోపకరణాల ధరలు కొంత తగ్గుతాయి.లగ్జరీ కార్లు, సిగరెట్లు, మద్యం వంటి విలాసవస్తువులకు మాత్రం ప్రత్యేకంగా 40% పన్ను ఉండే అవకాశం ఉంది. సాధారణ ప్రజలకు అవసరం లేని ఈ వస్తువులపై అధిక పన్ను కొనసాగుతుంది.

ప్రభుత్వానికి తాత్కాలికంగా కొంత పన్ను ఆదాయం తగ్గొచ్చు. కానీ దీర్ఘకాలంలో వ్యాపారం పెరగడం, వినియోగం పెరగడం వల్ల తిరిగి రాబడులు మెరుగవుతాయని నిపుణులు చెబుతున్నారు.

ఈ ప్రతిపాదనకు మంత్రుల బృందం ఇప్పటికే ఆమోదం తెలిపింది. ఇప్పుడు జీఎస్టీ కౌన్సిల్‌లో చర్చించి చివరి నిర్ణయం తీసుకుంటారు. దీపావళి సమయానికి కొత్త జీఎస్టీ విధానం అమల్లోకి వచ్చే అవకాశం ఉంది.ఇకపై ఎక్కువ వస్తువులకు 5% లేదా 18% మాత్రమే పన్ను పడుతుంది.దీనివల్ల పన్ను వ్యవస్థ క్లిష్టత తగ్గి, సాధారణ ప్రజలకు ధరలు తక్కువయ్యే అవకాశం ఉంది.