‘దహాద్’ రెండో సీజన్ రెడీ అవుతోంది !

సూపర్ హిట్ క్రైమ్ థ్రిల్లర్ సిరీస్ ‘దహాద్’. సోనాక్షి సిన్హా, గుల్షన్ దేవయ్య, విజయ్ వర్మ నటించిన ఈ సీరిస్ కు ప్రేక్షకులు బాగా కనెక్ట్ అయ్యారు. ఈ నేపథ్యంలో ఇప్పుడు ఈ వెబ్ సిరీస్ రెండో సీజన్‌ రెడీ అవుతోంది. తాజా సమాచారం ప్రకారం, కొత్త సీజన్ స్క్రిప్ట్ పనులు జరుగుతున్నాయి. స్క్రిప్ట్‌పై టీమ్ పనిచేస్తోంది. అమెజాన్ ప్రైమ్ వీడియో ఈ షోను గ్రాండ్ స్కేల్‌లో తీసుకురావాలని ప్లాన్ చేస్తోంది. త్వరలో షూటింగ్ టైమ్‌లైన్ ఖరారు చేస్తారు.

సోనాక్షి, గుల్షన్ ఇద్దరూ తమ ఇన్‌స్టాగ్రామ్ స్టోరీల ద్వారా ఈ విషయాన్ని ధ్రువీకరించారు. సోనాక్షి ఆ వార్తను షేర్ చేస్తూ, “ మళ్ళీ పోలీస్ యూనిఫామ్‌లో తిరిగి రావడానికి నేను వెయిట్ చేయలేను... ” అని రాసింది. రీమా కాగ్టి, జోయా అక్తర్, ప్రైమ్ వీడియోను ట్యాగ్ చేశారు. గుల్షన్ కూడా ఈ వార్తను షేర్ చేసి.. “ఇప్పుడు… ఆ యూనిఫామ్‌ను ఎక్కడ పెట్టాను?” అని జోక్ చేస్తూ ఆలోచన ఎమోజీలు జోడించాడు.

దహాద్ ను జోయా అక్తర్, రీమా కాగ్టి సృష్టించారు. ఈ సిరీస్ రాజస్థాన్‌లో 27 మంది మహిళల అదృశ్యం గురించి ఇద్దరు పోలీసు అధికారుల దర్యాప్తు కథను ఆవిష్కరిస్తుంది. ఈ సిరీస్ 2023 మే 12న అమెజాన్ ప్రైమ్ వీడియోలో ప్రీమియర్ అయింది. ఇది నిజ జీవిత నేరస్తుడు మోహన్ కుమార్, అలియాస్ సైనైడ్ మోహన్ నేరాల నుండి ప్రేరణ పొందింది. ఈ వెబ్ సిరీస్ లో విజయ్ వర్మ ప్రధాన విలన్‌గా, సోహమ్ షా ముఖ్యమైన పాత్రలో నటించారు. దహాద్ బెర్లిన్ ఇంటర్నేషనల్ ఫిల్మ్ ఫెస్టివల్‌లో ప్రదర్శించబడిన తొలి భారతీయ వెబ్ సిరీస్‌గా చరిత్ర సృష్టించింది, అక్కడ ఇది బెర్లినాలే సిరీస్ అవార్డు కోసం పోటీపడింది.