'96' డైరెక్టర్ తో విక్రమ్!

తమిళ స్టార్ హీరో విక్రమ్ తన 64వ సినిమాకు శ్రీకారం చుట్టాడు. '96, సత్యం సుందరం' ఫేమ్ ప్రేమ్ కుమార్‌ దర్శకత్వంలో సినిమా చేయబోతున్నాడు. ఈ చిత్రాన్ని వెల్స్ ఫిల్మ్ ఇంటర్నేషనల్ బ్యానర్‌పై ఇషారి కె.గణేష్ నిర్మిస్తున్నారు. ఈ ప్రాజెక్ట్‌ను నిర్మాణ సంస్థ అధికారికంగా ప్రకటించింది.

ఇప్పటివరకు ఎమోషనల్ డ్రామాలకు పేరుగాంచిన ప్రేమ్ కుమార్ విక్రమ్ చిత్రాన్ని ఓ మాస్ యాక్షన్ థ్రిల్లర్‌గా తెరకెక్కించనున్నాడట. విక్రమ్ గత చిత్రం ‘వీర ధీర సూరన్: పార్ట్ 2’ విమర్శకుల ప్రశంసలతో పాటు తమిళనాట మంచి విజయాన్ని సాధించింది. ప్రస్తుతం విక్రమ్ ‘మండేలా, మావీరన్’ డైరెక్టర్ మడోన్ అశ్విన్ తో తన 63వ సినిమా చేస్తున్నాడు.