సూర్య - వెంకీ అట్లూరి చిత్రానికి టైటిల్ ఇదేనా?
టాలెంటెడ్ తమిళ స్టార్ హీరో సూర్య, చాలా కాలం తర్వాత స్ట్రైట్ తెలుగు చిత్రంలో నటిస్తున్నాడు. 'సర్', 'లక్కీ భాస్కర్' సినిమాలతో గుర్తింపు పొందిన వెంకీ అట్లూరి ఈ చిత్రానికి దర్శకుడు. ఇటీవలే హైదరాబాద్‌లో సినిమా షూటింగ్ ప్రారంభమైంది. ఈ సినిమా ఫ్యామిలీ ఎమోషన్స్‌తో లోడెడ్ అయ్యే ఎమోషనల్ ఎంటర్టైనర్‌గా రూపొందుతోంది.
ఈ చిత్రానికి టైటిల్ ఇంకా ఫైనల్ కాలేదు. అయితే సోషల్ మీడియాలో 'విశ్వనాథన్ అండ్ సన్స్' అనే టైటిల్ చక్కర్లు కొడుతోంది. దీనిపై అధికారిక ప్రకటన రావాల్సి ఉంది. మమితా బైజు హీరోయిన్‌గా నటిస్తుండగా, జివి ప్రకాశ్ కుమార్ సంగీతం అందిస్తున్నారు. సూర్యకు ఈ సినిమా కోసం 50 కోట్ల రూపాయల పారితోషికం అందుతోందని, మొత్తం చిత్రానికి 120 కోట్ల రూపాయలు ఖర్చు చేస్తున్నట్టు సమాచారం.
సితార ఎంటర్టైన్‌మెంట్స్, శ్రీకర స్టూడియోస్, ఫార్చ్యూన్ ఫోర్ సినిమాస్ సంయుక్తంగా ఈ చిత్రాన్ని నిర్మిస్తున్నాయి. ఇప్పటికే నెట్‌ఫ్లిక్స్ ఈ సినిమాకు రికార్డు ధరకు డిజిటల్ స్ట్రీమింగ్ రైట్స్‌ను సొంతం చేసుకుంది. ఈ సినిమా వచ్చే ఏడాది ప్రేక్షకుల ముందుకు రానుంది.