కొత్త సినిమా షూటింగ్ మొదలైంది !
యంగ్ హీరో విజయ్ దేవరకొండ ‘కింగ్‌డమ్’ సినిమా కోసం సంవత్సరం పాటు కష్టపడ్డాడు. సినిమా రిలీజ్ అయిన తర్వాత ఇప్పుడు కాస్త బ్రేక్ తీసుకుంటున్నాడు. అతని నెక్స్ట్ సినిమా గురించి చాలా ఊహాగానాలు నడుస్తున్నాయి. ఈ సినిమా పూజా కార్యక్రమానికి ముందు కొంతకాలం ఆగిపోయింది. రాహుల్ సంకృత్యాయన్ తెరకెక్కించబోతున్న ఈ సినిమా బడ్జెట్‌ను మేకర్స్ సవరించారు.
విజయ్ దేవరకొండ ఇటీవల అమెరికా వెళ్లాడు. దీంతో షూటింగ్ కాస్త ఆలస్యమైంది. అయితే, తాజాగా.. హైదరాబాద్‌లో సినిమా షూటింగ్ మొదలైంది. హీరోయిన్‌గా రష్మిక మందన్నా నటిస్తోంది, కానీ ఆమె కొంత తర్వాత సెట్స్‌లో జాయిన్ అవుతుంది. ఈ సినిమాను విజయ్ దేవరకొండ పుట్టినరోజైన మే 9న ఈ ఏడాది ప్రకటించారు.
ఇది 19వ శతాబ్దంలో బ్రిటిష్ కాలనీ యుగంలో రాయలసీమ నేపథ్యంలో రూపొందుతున్న పీరియడ్ యాక్షన్ డ్రామా. ‘రణభూమి’ అనే టైటిల్‌ను పరిశీలిస్తున్నారు. టి-సిరీస్, మైత్రీ మూవీ మేకర్స్ ఈ చిత్రాన్ని నిర్మిస్తున్నారు. విజయ్ దేవరకొండ ఈ సినిమా కోసం బోలెడు డేట్స్ కేటాయించాడు. త్వరగానే షూటింగ్ పూర్తి చేయనున్నాడు. ఈ సినిమా వచ్చే ఏడాది రిలీజ్ కానుంది.