ఆగస్ట్ నుంచే షూటింగ్ !
విక్టరీ వెంకటేష్ ఫుల్ ఫామ్‌లో ఉన్నాడు. ‘సంక్రాంతికి వస్తున్నాం’ సినిమా బాక్సాఫీస్‌ను షేక్ చేస్తూ ఏకంగా ₹300 కోట్ల మార్క్‌ను దాటేసింది. 2025 సంక్రాంతికి అనూహ్యంగా బిగ్గెస్ట్ హిట్స్‌లో ఒకటిగా నిలిచింది. ఇప్పుడు అందరి దృష్టిని ఆకర్షిస్తున్నది వెంకటేష్, మాటల మాంత్రికుడు త్రివిక్రమ్ శ్రీనివాస్ కాంబో మూవీ. లేటెస్ట్ గా నిర్మాత సూర్యదేవర నాగ వంశీ ఎక్స్‌లో పోస్ట్ పెట్టి క్లారిటీ ఇవ్వడంతో ఈ వార్త బలం సంతరించుకుంది. త్రివిక్రమ్ తదుపరి రెండు సినిమాలు వెంకటేష్, ఎన్టీఆర్ లతో ఉంటాయని కన్ఫర్మ్ చేశాడు.
గతంలో వెంకటేష్‌కి ‘నువు నాకు నచ్చావ్, మల్లీశ్వరి’ లాంటి సూపర్ హిట్ స్క్రిప్ట్‌లు రాశాడు త్రివిక్రమ్ . ఇప్పుడు మళ్లీ ఆ పాత మ్యాజిక్‌ను రిపీట్ చేయడానికి రెడీ అవుతున్నట్టు కనిపిస్తోంది. వెంకటేష్ సినిమా ఎన్టీఆర్ ప్రాజెక్ట్ కంటే ముందు సెట్స్‌పైకి వెళ్లనుందని టాక్. ఈ రెండు సినిమాలనూ హారిక అండ్ హాసిని క్రియేషన్స్ నిర్మించనుంది. ఫ్యాన్స్ ఇప్పటి నుంచే క్లీన్, ఎంటర్‌టైనింగ్ కమర్షియల్ హిట్ కోసం ఎదురుచూస్తున్నారు.
ఈ రీయూనియన్ కేవలం నాస్టాల్జిక్‌గా మాత్రమే కాదు, బాక్సాఫీస్‌ను పగలగొట్టే పొటెన్షియల్ ఉంది. త్రివిక్రమ్ పెన్, వెంకీ స్క్రీన్ ప్రెజెన్స్ కాంబోతో అంచనాలు ఇప్పటికే ఆకాశాన్ని తాకుతున్నాయి. అనుకున్నట్టు అంతా జరిగితే, ఈ ఏడాది ఆగస్టులోనే షూటింగ్ స్టార్ట్ కావచ్చు. తెలుగు సినిమాలో మోస్ట్ అవైటెడ్ కాలాబరేషన్స్‌లో ఇది ఒకటిగా నిలవనుంది. మరి వెంకీ కోసం త్రివిక్రమ్ ఎలాంటి స్ర్కిప్ట్ ఎంపిక చేసుకుంటాడో చూడాలి.