మ్యూజిక్ సెషన్స్ మొదలయ్యాయి !
మెగా ప్రిన్స్ వరుణ్ తేజ్, కామెడీ చిత్రాల దర్శకుడు డైరెక్టర్ మేర్లపాక గాంధీ తొలిసారి కలిసి ఓ సినిమా చేస్తున్న సంగతి తెలిసిందే. ఇది వాళ్ల కాంబోలో ఫస్ట్ ప్రాజెక్ట్. సినిమాకి ఇంకా పేరు ఫైనల్ కాని ఈ మూవీని వీటీ15 అని ట్యాగ్ చేస్తున్నారు. ఈ సినిమా షూటింగ్ ఫుల్ స్పీడ్‌లో జరుగుతోంది. ఇప్పుడు మ్యూజిక్ సెషన్స్ కూడా స్టార్ట్ అయ్యాయి. మ్యూజిక్ డైరెక్టర్ ఎస్. థమన్ ఈ సినిమాకి సంగీతం అందిస్తున్నాడు.
గతంలో వరుణ్ తేజ్, థమన్ "తోలి ప్రేమ" సినిమాతో బ్లాక్‌బస్టర్ హిట్ కొట్టారు. ఆ సక్సెస్ మ్యాజిక్‌ని మళ్లీ రిపీట్ చేసేందుకు ఈ జోడి రెడీ అవుతోంది. ఈ సారి కూడా చార్ట్‌బస్టర్ ఆల్బమ్‌ని ఫ్యాన్స్‌కి అందించాలని ప్లాన్ చేస్తున్నారు. ఇప్పటికే రెండు సాంగ్స్ షూట్ చేసేశారు. అవి బాగా కుదిరాయని టాక్. ఈ సినిమాని యూవీ క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్ కలిసి నిర్మిస్తున్నాయి.
హారర్, కామెడీని కొత్త రీతిలో మిక్స్ చేసి, ఇప్పటివరకూ ఎవరూ టచ్ చేయని స్టైల్‌లో వీటీ15 మూవీ తెరకెక్కుతోంది. భారతీయ, కొరియన్ లొకేషన్స్‌ని నేపథ్యంగా తీసుకుని, విజువల్స్ పరంగా కూడా రిచ్ లుక్‌ని అందించనున్నారు. కథ కూడా ఫ్రెష్‌గా, థ్రిల్స్‌తో పాటు నవ్వులు పంచేలా ఉంటుందని టీమ్ ప్రామిస్ చేస్తోంది. ఈ కాంబోతో ఆడియన్స్‌కి ఓ రోలర్‌కోస్టర్ రైడ్ లాంటి ఎంటర్‌టైన్‌మెంట్ గ్యారంటీ. ఈ సినిమా టైటిల్, ఫస్ట్ లుక్ కోసం అందరూ ఆసక్తిగా ఎదురుచూస్తున్నారు.