'ఉస్తాద్ భగత్ సింగ్' రిలీజ్ అప్‌డేట్ ఇదే !
ఆంధ్రప్రదేశ్ ఉపముఖ్యమంత్రిగా రాజకీయ బాధ్యతలతో ఫుల్ బిజీగా ఉన్నప్పటికీ, పవన్ కళ్యాణ్ తన పెండింగ్ సినిమాలన్నీ కంప్లీట్ చేసి థియేటర్లలోకి తీసుకొచ్చేందుకు గట్టి పట్టుదలతో ఉన్నారు. ఆయన కమిట్ అయిన మూడు సినిమాల్లో, 'హరి హర వీర మల్లు, 'ఓజీ' ఇప్పటికే రిలీజయ్యాయి. అందులో 'హరి హర వీర మల్లు' 2025లో ఇప్పటివరకు హైయెస్ట్-గ్రాసింగ్ ఫిల్మ్‌గా నిలిచి, ఫ్యాన్స్‌కు అదిరిపోయే ట్రీట్‌ ఇచ్చింది.
మూడో పెండింగ్ ప్రాజెక్ట్ అయిన 'ఉస్తాద్ భగత్ సింగ్' కోసం కూడా పవన్ కళ్యాణ్ తన షూటింగ్ పార్ట్‌ను పూర్తి చేశారు. అయితే, డైరెక్టర్ హరీష్ శంకర్ ఇంకా మిగిలిన నటీనటులతో బ్యాలెన్స్ పోర్షన్స్‌ను ఫినిష్ చేసి, పోస్ట్-ప్రొడక్షన్ వర్క్ మొత్తం చూసుకోవాల్సి ఉంది.
తాజా బజ్ ఏంటంటే.. ఈ సినిమాను ఫిబ్రవరి లేదా ఏప్రిల్‌లో విడుదల చేసేందుకు మైత్రీ మూవీ మేకర్స్ ప్లాన్ చేస్తోంది. రిపోర్ట్స్ ప్రకారం, 2026లో వచ్చే మహా శివరాత్రి పండుగ టైమ్‌లో.. అంటే ఎక్కువగా ఫిబ్రవరి 12, 2026న రిలీజ్ డేట్‌ను లాక్ చేయాలని టీమ్ ఆలోచిస్తోంది.
ఇక రెండో ఆప్షన్ ఏప్రిల్. రామ్ చరణ్ 'పెద్ది' సినిమా మార్చి 27, 2026న రిలీజ్ అవుతున్నందున, 'ఉస్తాద్ భగత్ సింగ్' మేకర్స్ దానికి రెండు వారాల ముందు లేదా తర్వాత వచ్చేలా ప్లాన్ చేసుకోవచ్చు. ఏప్రిల్ మూడో వారాన్ని కూడా పరిశీలిస్తున్నారు. అయితే, హరీష్ శంకర్ గనుక పోస్ట్-ప్రొడక్షన్ వర్క్‌ను టైమ్‌కు పూర్తి చేయగలిగితే, మహా శివరాత్రికి సినిమా రావడం పక్కా అనే టాక్ బలంగా వినిపిస్తోంది.