మళ్లీ మెగాఫోన్ పట్టబోతున్న మాస్ డైరెక్టర్!

సీనియర్ డైరెక్టర్ వి.వి.వినాయక్ మళ్లీ మెగా ఫోన్ పట్టేందుకు రెడీ అవుతున్నాడు. మాస్ ఎంటర్‌టైనర్స్‌కు కేరాఫ్ అడ్రస్ గా నిలిచే వినయ్.. ఆమధ్య అనారోగ్య కారణాలతో సినిమాల నుంచి గ్యాప్ తీసుకున్నాడు. తాజాగా విక్టరీ వెంకటేష్ తో వినాయక్ ఓ సినిమా చేయబోతున్నాడని ఫిల్మ్ నగర్ టాక్.

ఇప్పటికే వెంకీ కూడా వినయ్ స్టోరీకి గ్రీన్ సిగ్నల్ ఇచ్చేశాడని సమాచారం. వెంకీ-వినాయక్ కాంబో మూవీని నల్లమలుపు బుజ్జి నిర్మించనున్నాడట. ఈ ముగ్గురూ గతంలో ‘లక్ష్మీ’ వంటి సూపర్ హిట్ మూవీ అందించారు. మళ్లీ దాదాపు 20 ఏళ్ల తర్వాత వీరి కలయిక సెట్ అవుతుండడం ఆసక్తికరంగా మారింది.

తన రీ-ఎంట్రీ మూవీని హిట్ చేయాలనే కసితో వినాయక్ ఉన్నాడట. తన మార్క్ మాస్ ఎలివేషన్స్ తో వెంకటేష్ కి సరిపడ కథను సిద్ధం చేస్తున్నాడట. ఈ కాంబోపై త్వరలోనే అఫీషియల్ అనౌన్స్‌మెంట్ రానున్నట్టు తెలుస్తోంది. మరోవైపు 'సంక్రాంతికి వస్తున్నాం' తర్వాత వెంకటేష్ ఇప్పటివరకూ నెక్స్ట్‌ ప్రాజెక్ట్‌ను అనౌన్స్ చేయలేదు.