రామ్ సినిమాలో అతిథిగా ఆ స్టార్ హీరో?

ఎనర్జిటిక్ స్టార్ రామ్ ప్రస్తుతం తన 22వ సినిమాతో బిజీగా ఉన్నాడు. గత కొన్ని చిత్రాలుగా హై ఆక్టేన్ యాక్షన్ సన్నివేశాలతో రెచ్చిపోయిన రామ్.. ఈ సినిమా కోసం పూర్తిగా క్లాస్ లుక్ లోకి మారిపోయాడు. ఈ మూవీలో సాగర్ పాత్రలో క్యూట్ బాయ్ గా మెస్మరైజ్ చేయబోతున్నాడు.

రామ్ కి జోడీగా భాగ్యశ్రీ బోర్సే నటిస్తుంది. ఆమె మహాలక్ష్మి పాత్రలో కనిపించబోతుంది. మైత్రీ మూవీ మేకర్స్ నిర్మాణంలో ‘మిస్ శెట్టి మిస్టర్ పొలిశెట్టి’ ఫేమ్ పి. మహేశ్ బాబు ఈ చిత్రానికి దర్శకత్వం వహిస్తున్నాడు. ఇటీవలే ఈ సినిమా రాజమండ్రి పరిసర ప్రాంతాల్లో కీలక షెడ్యూల్ షూటింగ్ జరుపుకుంది.

లేటెస్ట్ గా రామ్ 22వ సినిమా కథకు సంబంధించి ఓ ఆసక్తికర న్యూస్ ఫిల్మ్ సర్కిల్స్ లో చక్కర్లు కొడుతుంది. ఈ మూవీ స్టోరీ సినిమా ఇండస్ట్రీ ఇతివృత్తంతోనే సాగనుందట. ఈ సినిమాలో ఓ సీనియర్ హీరో గెస్ట్ అప్పీరెన్స్ ఇవ్వబోతున్నట్టు తెలుస్తోంది. ఆ క్యారెక్టర్ ను వెంకటేష్ చేయనున్నాడనే ప్రచారమూ ఉంది. సినిమాలోనూ విక్టరీ వెంకటేష్ గానే గెస్ట్ అప్పీరెన్స్ ఇవ్వనున్నాడట వెంకీ. గతంలో వెంకటేష్, రామ్ కలిసి ‘మసాలా‘ సినిమాలో నటించారు. మొత్తంగా.. రామ్ మూవీలో వెంకీ ఎంట్రీపై అధికారిక ప్రకటన వస్తుందేమో చూడాలి.