కింగ్ తో టబు రీ యునైట్?
టాలీవుడ్‌లో మోస్ట్ సెలబ్రేటెడ్ ఆన్-స్క్రీన్ పెయిర్స్ అంటే వెంటనే గుర్తొచ్చేది అక్కినేని నాగార్జున మరియు టబు. 1996లో వచ్చిన “నిన్నే పెళ్ళాడతా” లో వీళ్ల కెమిస్ట్రీకి ఉన్న క్రేజ్ ఇప్పటికీ తగ్గలేదు. దశాబ్దాలు గడిచినా, ఈ జంటకి ఫ్యాన్ ఫాలోయింగ్ మామూలుగా లేదు.
కెరీర్‌లో చివరి దశలో ఉన్నా, నాగార్జున, టబు ఇద్దరూ ఇప్పటికీ యంగ్ హీరోల కంటే ఫిట్‌గా, చాలా స్టైలిష్‌గా కనిపిస్తారు. టబు అయితే బాలీవుడ్‌లో పవర్‌ఫుల్ రోల్స్‌తో అదరగొడుతున్నారు, మన కింగ్ నాగ్ కూడా యాంటీ-హీరో, మెచ్యూర్ లీడ్స్ లాంటి డిఫరెంట్ షేడ్స్ ఉన్న పాత్రలతో ప్రయోగాలు చేస్తున్నారు. ఇప్పుడు, చాలా ఏళ్ల తర్వాత ఈ క్రేజీ కాంబో మళ్లీ రిపీట్ కాబోతోంది.
తాజా సమాచారం ప్రకారం, నాగార్జున ప్రతిష్టాత్మక 100వ చిత్రంలో టబు నటించడానికి సైన్ చేశారు. ప్రస్తుతం ఈ సినిమా షూటింగ్ ఫుల్ స్వింగ్‌లో ఉంది. అయితే, ఈ సినిమాలో టబు.. నాగార్జునకి రొమాంటిక్ జోడీగా కాకుండా, స్టోరీకి కీలకంగా ఉండే చాలా ముఖ్యమైన పాత్రలో కనిపించబోతున్నారు.
ఈ సినిమాకి తమిళ ఫిల్మ్ మేకర్ ఆర్. కార్తీక్ డైరెక్ట్ చేస్తున్నారు. ప్రొడ్యూసర్ కూడా నాగార్జునే. ఈ సినిమాలో టబుతో పాటు మరో ఇద్దరు లీడింగ్ లేడీస్ కూడా ఉండటం విశేషం. అందుకే, ఇది మోస్ట్ అవైటెడ్ తెలుగు సినిమాల్లో ఒకటిగా నిలిచింది. మరో ఇంట్రెస్టింగ్ అప్‌డేట్ ఏంటంటే, పూరీ జగన్నాథ్ డైరెక్షన్‌లో, విజయ్ సేతుపతి హీరోగా రాబోయే బైలింగ్యువల్ మూవీ లో కూడా టబు భాగమయ్యారు. ఓవరాల్‌గా, సౌత్ ఇండియన్ సినిమాల్లో టబుకి ఇది చాలా ఎగ్జైటింగ్ ఫేజ్ అని చెప్పొచ్చు.