కెన్యాలో నెక్స్ట్ షెడ్యూల్ !

ఇండియన్ స్ర్కీన్ పై అత్యంత ఆసక్తిగా ఎదురుచూస్తున్న అడ్వెంచర్ థ్రిల్లర్ ‘జెన్ 63’ (వర్కింగ్ టైటిల్). సూపర్ స్టార్ మహేష్ బాబు, దర్శక ధీరుడు రాజమౌళి కాంబోలో ఈ మూవీ తెరకెక్కుతోన్న సంగతి తెలిసిందే. ప్రియాంక చోప్రా జోనాస్, పృథ్వీరాజ్ సుకుమారన్ ప్రధాన పాత్రల్లో నటిస్తున్న ఈ సినిమా ఈ ఏడాది హైదరాబాద్, ఒడిశాలో మూడు కీలక షెడ్యూళ్లను పూర్తి చేసింది. జులైలో కెన్యాలో షూటింగ్ జరగాల్సి ఉన్నప్పటికీ, అక్కడి రాజకీయ ఘర్షణల కారణంగా షెడ్యూల్ వాయిదా పడింది.

తాజాగా జరిగిన మీడియా సంభాషణలో.. చిత్ర నిర్మాత కెఎల్ నారాయణ ఈ సినిమా తదుపరి షెడ్యూల్ గురించి కీలక అప్‌డేట్ ఇచ్చారు. కెన్యా రాజధాని నైరోబీ, టాంజానియాలోని అందమైన లొకేషన్స్‌లో సెప్టెంబర్ మూడో వారం నుంచి యాక్షన్‌తో కూడిన షెడ్యూల్ జరుగుతుందని ఆయన తెలిపారు. రాజమౌళి, ఆయన టీమ్ ఈ షెడ్యూల్‌లో హై-ఓల్టేజ్ యాక్షన్ సన్నివేశాలను చిత్రీకరించనున్నారు.

ఈ భారీ ప్రాజెక్ట్ కోసం ఏకంగా రూ. 1,000 కోట్లు ఖర్చు చేస్తున్నారు ఇది ఇంండియాలో ఇప్పటివరకు నిర్మించిన అత్యంత ఖరీదైన సినిమాల్లో ఒకటిగా నిలుస్తుంది. 2027లో ఈ చిత్రం గ్రాండ్ పాన్-ఇంటర్నేషనల్ రిలీజ్ కానుంది. సంగీత దర్శకుడు ఎంఎం కీరవాణి ఈ బిగ్గీకి సౌండ్‌ట్రాక్ సమకూరుస్తున్నారు. ఇటీవల చిత్ర బృందం, నవంబర్‌లో సినిమా ఫస్ట్ లుక్ విడుదలవుతుందని ప్రకటించింది.