షార్ప్ రన్ టైమ్ తో ‘దిల్ రూబా‘

టాలీవుడ్ యంగ్ హీరోస్ లో తనకంటూ ప్రత్యేక గురింపు తెచ్చుకున్నాడు కిరణ్ అబ్బవరం‘. ‘క‘ మూవీతో రూ.50 కోట్ల క్లబ్ లోకి చేరిన కిరణ్.. ఇప్పుడు ‘దిల్ రూబా‘తో ఆడియన్స్ ముందుకు వస్తున్నాడు. హోలీ కానుకగా మార్చి 14న ఈ చిత్రం ప్రేక్షకుల ముందుకు వస్తోంది.

రొమాంటిక్ యాక్షన్ ఎంటర్ టైనర్ గా విశ్వ కరుణ్ తెరకెక్కించిన ఈ చిత్రానికి ‘యు/ఎ‘ సర్టిఫికెట్ జారీ చేసింది సెన్సార్ బోర్డ్. ఈ మూవీ 2 గంటల 20 నిమిషాల డీసెంట్ రన్ టైమ్ తో రాబోతుంది. ఇక.. విడుదలకు ముందే రేపు (మార్చి 13) ఈ సినిమాకోసం ప్రీమియర్స్ వేయబోతున్నారు. దాదాపు 20 థియేటర్లలో ప్రీమియర్స్ ను ప్లాన్ చేశారట. మొత్తంగా.. ‘దిల్ రూబా‘ కిరణ్ అబ్బవరం కెరీర్‌లో మరో హిట్‌గా నిలుస్తుందేమో చూడాలి