సామ్.. నథింగ్ టు హైడ్ !
అందాల సౌత్ బ్యూటీ సమంతా రుత్ ప్రభు.. ఇటీవల ఇన్‌స్టాగ్రామ్‌లో పోస్ట్ చేసిన ఓ వీడియోతో అందరి దృష్టిని ఆకర్షించింది. ఈ వీడియోలో ఆమె తన వీపును చూపించింది. అక్కడ ఒకప్పటి టాటూ ఇప్పుడు కనిపించకపోవడం గమనార్హం. ఈ వీడియోకు “నథింగ్ టు హైడ్” అనే క్యాప్షన్ జోడించింది. ఇది అభిమానుల్లో, సోషల్ మీడియాలో చర్చనీయాంశం అయ్యింది.
గతంలో సమంతా తన శరీరంపై “వైయంసీ” అనే టాటూ వేయించుకుంది. ఇది 2010లో విడుదలైన ‘ఏ మాయ చేసావే’ సినిమాకు సంబంధించినది. ఈ చిత్రం సమంతా నటనా జీవితంలో ఒక మైలురాయి మాత్రమే కాదు. ఆమె వ్యక్తిగత జీవితంలో కూడా ముఖ్యమైనది. ఈ సినిమా షూటింగ్ సమయంలోనే ఆమె అక్కినేని వారసుడు నాగ చైతన్యతో ప్రేమలో పడింది. ఈ ప్రేమ 2017లో వివాహంలోకి మారింది. ‘ఏ మాయ చేసావే’ సినిమా వారి ఇద్దరి జీవితాల్లో ఒక ప్రత్యేక స్థానాన్ని ఆక్రమించింది. అందుకే సమంతా అప్పట్లో ఆ టాటూను వేయించుకుంది.
అయితే, 2021లో సమంత, నాగ చైతన్య విడాకులు తీసుకున్నారు. ఆ తర్వాత సమంతా తన గత జీవితానికి సంబంధించిన గుర్తులను తొలగించుకోవడంపై దృష్టి సారించినట్లు కనిపిస్తోంది. ఇంతకుముందు ఆమె నాగ చైతన్యకు సంబంధించిన మరో టాటూను ప్రొఫెషనల్‌గా తొలగించింది. ఇప్పుడు “వైయంసీ” టాటూ కూడా తొలగించినట్లు ఈ వీడియో ద్వారా స్పష్టమవుతోంది. దీంతో.. ఆమె శరీరంపై తన మాజీ భర్త నాగ చైతన్యను గుర్తు చేసే ఎలాంటి టాటూలు ఇప్పుడు లేవు. ఈ చర్య ఆమె తన గతాన్ని పూర్తిగా వదిలేసి, కొత్త జీవితంలోకి అడుగుపెట్టే ప్రయత్నంగా అభిమానులు భావిస్తున్నారు.
ప్రస్తుతం సమంతా ఫిల్మ్‌మేకర్ రాజ్ నిడిమోరుతో డేటింగ్‌లో ఉన్నట్లు వార్తలు వస్తున్నాయి. రాజ్ నిడిమోరు.. ప్రముఖ దర్శక ద్వయం రాజ్ అండ్ డీకేలో ఒకరిగా తెలుగు సినిమా పరిశ్రమలో బాగా సుపరిచితుడు. సమంతా ఈ సంబంధంపై బహిరంగంగా ఏ వ్యాఖ్యలూ చేయకపోయినా.. ఈ వార్తలు సోషల్ మీడియాలో హాట్ టాపిక్‌గా మారాయి. సో.. సమంతా ఈ వీడియో ద్వారా తన జీవితంలో కొత్త అధ్యాయాన్ని ప్రారంభించినట్లు సంకేతాలు ఇస్తోందన్నమాట.