స్పీడ్ మీదున్న మాస్ మహారాజా !
మాస్ మహారాజా రవితేజ జానర్ల గురించి ఆలోచించకుండా కథలను ఎంచుకునే వెర్సటైల్ యాక్టర్లలో ఒకరు. ఈ మధ్య బాక్సాఫీస్ దగ్గర కాస్త వెనుకబడ్డా, స్క్రిప్ట్‌ల సెలక్షన్ విషయంలో ఆయన ఎప్పుడూ తన దారిలోనే ఉంటారు. వరుసగా సినిమాలు చేయడంలో రవితేజకు పేరుంది, అందుకే ఆయన లైనప్‌లో ఎప్పుడూ ఒకట్రెండు ప్రాజెక్ట్‌లు రెడీగా ఉంటాయి. ప్రస్తుతం.. ఆయన మూడు సినిమాలు వేరే వేరే జానర్స్ తో రూపొందుతున్నాయి.
మొదటగా రాబోతున్న సినిమా రవితేజ కెరీర్‌లో 75వ మైలురాయి చిత్రం, ‘మాస్ జాతర’.. ఇది అక్టోబర్ 31న రిలీజ్ కానుంది. ఇటీవలే రవితేజ ఈ సినిమా ప్రమోషన్లలో పాల్గొన్నారు. ఈ యాక్షన్ ఎంటర్‌టైనర్‌కు కొత్త దర్శకుడు భాను భోగవరపు దర్శకత్వం వహించగా, సితార ఎంటర్‌టైన్‌మెంట్స్ బ్యానర్‌పై నాగ వంశీ నిర్మిస్తున్నారు. ఈ సినిమాలో రవితేజ, శ్రీలీల, రాజేంద్ర ప్రసాద్, నవీన్ చంద్ర ముఖ్యపాత్రల్లో నటిస్తున్నారు.
తరువాత ఆర్టీ76. ఇది కిషోర్ తిరుమల డైరెక్షన్‌లో వస్తున్న కామెడీ ఫ్యామిలీ డ్రామా. కిషోర్ తిరుమల 'నేను శైలజ', 'ఉన్నది ఒకటే జిందగీ' లాంటి ఫ్యామిలీ ఎమోషన్స్ కలిపిన రొమాంటిక్ డ్రామాలకు ఫేమస్. ఈ సినిమాలో ఆషికా రంగనాథ్, కేతిక శర్మ హీరోయిన్లుగా నటిస్తున్నారు. ప్రస్తుతం షూటింగ్ స్పెయిన్‌లో జరుగుతోంది. ఈ సినిమాకు ‘భర్త మహాశయులకు విజ్ఞప్తి’ అనే టైటిల్ ఫిక్స్ చేసే అవకాశం ఉంది, ఇది సంక్రాంతి 2026 సీజన్‌లో విడుదల కానుంది.
ఆ తర్వాత వస్తున్నది ఆర్టీ77, దీనికి 'నిన్ను కోరి', 'మజిలీ' లాంటి లవ్ స్టోరీస్‌తో పేరు తెచ్చుకున్న శివ నిర్వాణ దర్శకత్వం వహిస్తున్నారు. ఈ రవితేజ సినిమాతో శివ నిర్వాణ రూట్ మారుస్తున్నారు. ఇది థ్రిల్లర్ డ్రామా అని అంటున్నారు. ఈ చిత్రంలో రవితేజ ఏజ్ అప్రాప్రియేట్ క్యారెక్టర్‌లో కనిపించవచ్చని అంచనా. మైత్రీ మూవీ మేకర్స్ ఈ ప్రాజెక్ట్‌ను నిర్మించనుంది.