తన పెళ్ళికి కొంతకాలం ఆగాలట !
టాలీవుడ్‌ సంచలనం, నేషనల్ క్రష్ రష్మికా మందన్న ఇప్పుడు సినిమాలతో పాటు వ్యాపార రంగంలోనూ తన సత్తా చాటుతోంది. ఇటీవల ఆమె తన సొంత పరిమళ ఉత్పత్తుల సీరీస్‌ను లాంచ్ చేసి, ఎంటర్‌ప్రెన్యూర్‌గా మరో అడుగు వేసింది. అదే సమయంలో, కొత్త సినిమా ప్రాజెక్ట్‌లతో తన కెరీర్‌ను సూపర్ బిజీగా ఉంచు కుంటూ, స్టార్‌డమ్‌లో ఫుల్ స్పీడ్‌లో దూసుకెళ్తోంది. కానీ.. ఈ హడావిడి మధ్యలో ఆమె పెళ్లి గురించి గత కొంతకాలంగా చక్కర్లు కొడుతున్న గాసిప్స్ కు ఎప్పుడు క్లారిటీ వస్తుంది అన్నది ఆసక్తిగా మారింది.
అందుతున్న సమాచారం ప్రకారం, రష్మికా తల్లిదండ్రులు ఆమెను త్వరగా సెటిల్ అవ్వమని కాస్త ఒత్తిడి చేస్తున్నారట. కానీ.. ఈ 2025లో అయితే.. తన మెడలో తాళిబొట్టు వేసుకొనే ప్లాన్ ఆమె డైరీలో లేదట. కొంత కాలం ఆగాలని భావిస్తోంది. అయితే.. ఆమె విజయ్ దేవరకొండతో రిలేషన్‌షిప్‌లో ఉన్నట్లు బజ్ బలంగా వినిపిస్తోంది. ఈ ఇద్దరూ తమ రిలేషన్‌షిప్‌ను ఎప్పుడూ ఓపెన్‌గా చెప్పుకోలేదు.. కానీ ఇండస్ట్రీలో, ఫ్యాన్స్ మధ్య వీళ్లు సీరియస్‌గా డేటింగ్‌లో ఉన్నారని టాక్ నడుస్తోంది. వీళ్ల కెమిస్ట్రీ ఆన్-స్క్రీన్‌లోనే కాదు, ఆఫ్-స్క్రీన్‌లో కూడా హాట్ టాపిక్.
ఇటీవల జరిగిన ఓ ఇంటర్వ్యూలో విజయ్ దేవరకొండ ఆసక్తికరమైన విషయం షేర్ చేశాడు. 35 ఏళ్లు దగ్గరపడుతున్న నేపథ్యంలో, తాను త్వరలో పెళ్లి చేసుకోవాలని ఫీల్ అవుతున్నానని చెప్పాడు. ఈ కామెంట్ రష్మికా లైఫ్‌తో లింక్ అయినట్టుగా కనిపిస్తోంది. అంటే, వీళ్ల పెళ్లి ప్లాన్స్ వాయిదా పడినా, పూర్తిగా క్యాన్సిల్ అయినట్టు కాదని అర్థమవుతోంది. సో, ఫ్యూచర్‌లో ఈ స్టార్ కపుల్ నుండి గుడ్ న్యూస్ ఎప్పుడైనా రావచ్చు.
ఇటు వర్క్ ఫ్రంట్‌లోనూ రష్మికా ఫుల్ ఫైర్ మోడ్‌లో ఉంది. ఆమె నెక్స్ట్ మూవీ “ది గర్ల్‌ఫ్రెండ్” సెప్టెంబర్‌లో థియేటర్స్‌లో సందడి చేయనుంది. అంతేకాదు, ఈ ఏడాది చివర్లో విక్కీ కౌశల్‌తో కలిసి ఓ బాలీవుడ్ బిగ్గీలో కనిపించనుంది. ఇవి కాకుండా, రెండు భారీ తెలుగు ప్రాజెక్ట్‌లను కూడా లైన్‌లో పెట్టింది. ఒకటి విజయ్ దేవరకొండతో, మరొకటి స్టైలిష్ స్టార్ అల్లు అర్జున్‌తో. ఈ ప్రాజెక్ట్‌లతో ఆమె ఫ్యాన్స్‌కు ఫుల్ ఎంటర్‌టైన్‌మెంట్ గ్యారెంటీ.