నైట్ షూట్స్ లో రామ్ చరణ్ ‘పెద్ది’ సినిమా

గేమ్ ఛేంజర్ నిరాశపరిచిన తర్వాత, రామ్ చరణ్ అభిమానులు కొంత నిరుత్సాహంలో ఉన్నారు. అయితే, రామ్ చరణ్ వెనక్కి తగ్గకుండా, బుచ్చిబాబు సానా దర్శకత్వంలో గ్రామీణ నేపథ్యంలో రూపొందుతున్న స్పోర్ట్స్ డ్రామా 'పెద్ది'తో గట్టి కమ్ బ్యాక్ ఇవ్వాలను కుంటున్నాడు. ఈ చిత్రంలో జాన్వీ కపూర్ హీరోయిన్‌గా నటిస్తోంది. తాజా అప్‌డేట్ ప్రకారం, హైదరాబాద్‌లోని రామోజీ ఫిల్మ్ సిటీలో రామ్ చరణ్‌తో రాత్రి సమయంలో షూటింగ్ జరుగుతోంది.

ఈ షెడ్యూల్‌లో రామ్, జాన్వీలతో ఒక పాటను చిత్రీకరిస్తున్నారు. షూటింగ్‌కు సంబంధించిన మరిన్ని వివరాలు త్వరలో వెల్లడయ్యే అవకాశం ఉంది. రామ్ చరణ్, జాన్వీ కపూర్‌తో పాటు, ఈ సినిమాలో శివ రాజ్‌కుమార్, జగపతి బాబు, దివ్యేందు శర్మ తదితరులు కీలక పాత్రల్లో నటిస్తున్నారు. వృద్ధి సినిమాస్ బ్యానర్‌పై ఈ చిత్రం నిర్మితమవుతోంది. ఏఆర్ రెహమాన్ సంగీతం సమకూరుస్తున్నారు. ఈ సినిమాకు అద్భుతమైన బ్యాక్ గ్రౌండ్ స్కోర్ రూపొందిస్తున్నట్టు తెలుస్తోంది.