గ్లోబల్ స్టార్ సినిమాల లైనప్ ఇదే !
గత కొన్ని రోజులుగా సినిమా ఇండస్ట్రీలో, సోషల్ మీడియాలో ఓ రేంజ్‌లో హడావిడి నడుస్తోంది. రకరకాల ప్రాజెక్టుల గురించి రూమర్స్.. ఫుల్ స్పీడ్‌లో సర్క్యులేట్ అవుతున్నాయి. మొదట్లో త్రివిక్రమ్ శ్రీనివాస్, మెగా పవర్ స్టార్ రామ్ చరణ్‌తో ఓ సినిమా ప్లాన్ చేస్తున్నారని గట్టిగా వార్తలు వచ్చాయి. కానీ ఆ వార్తలు వట్టి రూమర్స్ గా తేలాయి. ఎందుకంటే, అల్లు అర్జున్ తన నిర్ణయంలో క్లారిటీ ఇవ్వకుండా టైమ్ తీసుకోవడంతో.. త్రివిక్రమ్ డైరెక్ట్‌గా యంగ్ టైగర్ ఎన్టీఆర్‌తో జతకట్టి.. ఓ పౌరాణిక సినిమాకు కమిట్ మెంట్ ఇచ్చేశారు. ఈ ట్విస్ట్‌తో అభిమానులు కాస్త షాక్ అయ్యారు, అదే టైమ్‌లో రామ్ చరణ్ “పెద్ది” తర్వాత ఏ సినిమాలు చేయబోతున్నాడా అని ఆసక్తిగా ఎదురుచూస్తున్నారు.
ఇప్పుడు అతడి లైనప్ గురించి సరికొత్త అప్డేట్ వచ్చింది. రామ్ చరణ్ ప్రస్తుతం బుచ్చిబాబు సానా డైరెక్షన్‌లో “పెద్ది” అనే స్పోర్ట్స్ డ్రామాలో బిజీగా ఉన్నాడు. 2026 మార్చిలో ఈ మూవీ థియేటర్లలో సందడి చేయబోతోంది. ఇక “పెద్ది” తర్వాత రామ్ చరణ్ బాలీవుడ్ డైరెక్టర్ నిఖిల్ నగేష్ భట్‌తో ఓ కొత్త ప్రాజెక్ట్ చేయ బోతున్నట్టు టాక్. “కిల్” అనే యాక్షన్ థ్రిల్లర్‌తో బాలీవుడ్‌లో ఓ ఊపు ఊపేశాడు నిఖిల్. కొన్ని రోజుల క్రితం నిఖిల్, రామ్ చరణ్‌తో ఓ స్క్రిప్ట్ డిస్కస్ చేశాడట. ఈ సినిమా 2026 ఫస్ట్ హాఫ్‌లో స్టార్ట్ అయ్యే ఛాన్స్ ఉంది. ఈ కాంబో గురించి వినగానే ఫ్యాన్స్ హైప్ మీద ఉన్నారు. ఎందుకంటే “కిల్” సినిమా తెలుగు ఆడియన్స్‌లో కూడా మంచి బజ్ క్రియేట్ చేసింది.
అదే సమయంలో, రామ్ చరణ్ తన మాస్టర్ డైరెక్టర్ సుకుమార్‌తో మరో సినిమా కోసం రెడీ అవుతున్నాడు. ఈ ప్రాజెక్ట్ అధికారికంగా అనౌన్స్ అయింది కానీ, స్క్రిప్ట్ ఫైనల్ అయ్యే వరకు షూటింగ్ స్టార్ట్ అయ్యే ఛాన్స్ తక్కువ. సుకుమార్-రామ్ చరణ్ కాంబో అంటే “రంగస్థలం” లాంటి బ్లాక్‌బస్టర్ మళ్లీ రిపీట్ అవుతుందని ఫ్యాన్స్ ఆశగా ఎదురుచూస్తున్నారు. మొత్తంగా చూస్తే, రామ్ చరణ్ “పెద్ది” తర్వాత నిఖిల్ నగేష్ భట్, సుకుమార్‌లతో రెండు బిగ్ ప్రాజెక్ట్స్‌కి కమిట్ అయ్యాడు.