పూరి జగన్నాథ్ తనయుడి కొత్త ప్రయత్నం!

పూరి జగన్నాథ్ తనయుడు పూరి ఆకాష్ ఇప్పుడు 'తల్వార్' అంటూ కొత్త సినిమాతో ప్రేక్షకుల ముందుకు రాబోతున్నాడు. గతంలో ఆకాష్ చేసిన సినిమాలు వాణిజ్యపరంగా విజయాన్ని సాధించకపోయినా, నటుడిగా తన టాలెంట్‌ను నిరూపించుకున్నాడు. కాశీ పరశురామ్ దర్శకత్వం వహిస్తున్న ఈ సినిమాకు సంబంధించిన డైలాగ్ గ్లింప్స్ రిలీజయ్యింది. ఆకాష్ వాయిస్ ఓవర్ తో విడుదలైన ఈ గ్లింప్స్ ఆకట్టుకుంటుంది.

ఈ సినిమాలో ప్ర‌కాష్ రాజ్, అనసూయ, అజ‌య్ వంటి న‌టీన‌టులు ఉన్నారు. ప్రస్తుతం షూటింగ్ జరుపుకుంటున్న ఈ సినిమా ఆకాష్ కెరీర్‌కు టర్నింగ్ పాయింట్ గా నిలుస్తుందేమో చూడాలి. ఈ మూవీ గ్లింప్స్ ను డాషింగ్ డైరెక్టర్ పూరి జగన్నాథ్ షేర్ చేశారు.