అడ్వాన్స్ బుకింగ్ మొదలయ్యేది అప్పటినుంచే !

పవన్ కళ్యాణ్ నటించిన ఎంతో ఆసక్తిగా ఎదురుచూస్తున్న గ్యాంగ్‌స్టర్ డ్రామా “ఓజీ” విదేశాల్లో.. ముఖ్యంగా అమెరికాలో భారీ హైప్ క్రియేట్ చేస్తోంది. ఈ సినిమా యూ.ఎస్.లో అడ్వాన్స్ బుకింగ్స్ ఆగస్టు 29, 2025 నుంచి మొదల వుతాయని నిర్మాణ సంస్థ తాజాగా ప్రకటించింది. అంటే, సినిమా విడుదలకు దాదాపు నెల రోజుల ముందే బుకింగ్స్ ఓపెన్ అవుతున్నాయి.

యూ.ఎస్.లో సినిమా ప్రీమియర్ సెప్టెంబర్ 24న జరగనుంది. సుజీత్ దర్శకత్వంలో తెరకెక్కిన ఈ సినిమాతో బాలీవుడ్ నటుడు ఇమ్రాన్ హష్మీ టాలీవుడ్ లో విలన్‌గా ఎంట్రీ ఇస్తున్నాడు. కథలో ఒక భయంకరమైన డాన్ ముంబైకి తిరిగి వచ్చి పాత లెక్కలు తీర్చుకోవడం చుట్టూ తిరుగుతుంది. ఇది ఒక అదిరిపోయే యాక్షన్ స్పెక్టాకిల్‌గా రూపొందనుంది.

పవన్ కళ్యాణ్ ఆంధ్రప్రదేశ్ డిప్యూటీ సీఎం బాధ్యతల వల్ల నిర్మాణంలో కొన్ని ఆలస్యాలు జరిగినప్పటికీ.. సినిమా ప్రీ-రిలీజ్ బిజినెస్, సోషల్ మీడియాలో నిరంతర బజ్ ఈ చిత్రం రికార్డు బ్రేకింగ్ ఓపెనింగ్ సాధించేలా సూచిస్తోంది.“ఓజీ” సినిమా సెప్టెంబర్ 25, 2025న ప్రపంచవ్యాప్తంగా విడుదల కానుంది. మరి ఈ సినిమా ఎన్ని రికార్డుల్ని నెలకొల్పుతుందో చూడాలి.