‘గాడ్ ఆఫ్ వార్’ స్టార్ట్ అయ్యేది అప్పటి నుంచే !
యంగ్ టైగర్ ఎన్.టి.ఆర్, క్రియేటివ్ జీనియస్ త్రివిక్రమ్ శ్రీనివాస్ కాంబినేషన్‌లో మరో బిగ్గెస్ట్ మైథలాజికల్ డ్రామా రాబోతుంది. అదే 'గాడ్ ఆఫ్ వార్'. తమిళనాడులో ఎక్కువగా పూజలందుకునే.. యుద్ధ దేవుడు అని పిలిచే మురుగన్ లెజెండ్ ఆధారంగా ఈ సినిమా రూపొందుతోంది. కార్తికేయ స్వామికి అంతటి ప్రాధాన్యత ఉన్నప్పటికీ, ఆయన కథను ఇప్పటివరకు మెయిన్‌స్ట్రీమ్ సినిమాలు పెద్దగా టచ్ చేయలేదు. ఈ అన్‌టచ్డ్ పాయింట్‌తోనే త్రివిక్రమ్ పక్కాగా సినిమా తీయడానికి ప్లాన్ చేస్తున్నారట.
ప్రస్తుతం త్రివిక్రమ్ వెంకటేశ్‌తో సినిమా షూటింగ్‌లో బిజీగా ఉండటం, అలాగే ఎన్.టి.ఆర్ - ప్రశాంత్ నీల్ సినిమా 'డ్రాగన్' కూడా 2026 చివర్లో రిలీజ్ అయ్యే అవకాశం ఉండటంతో.. ఈ 'గాడ్ ఆఫ్ వార్' ప్రాజెక్ట్ లేట్ అవుతుందేమోనని కొద్ది రోజులుగా రూమర్స్ వినిపించాయి. అయితే, ఆ రూమర్స్‌లో నిజం లేదని, ఈ సినిమా షెడ్యూల్ ప్రకారంనే జరుగుతుందని నమ్మదగిన వర్గాలు క్లారిటీ ఇచ్చాయి.
ఎన్.టి.ఆర్ 'డ్రాగన్' కంప్లీట్ అవ్వగానే మధ్యలో ఏ గ్యాప్ తీసుకోకుండా డైరెక్ట్‌గా 'గాడ్ ఆఫ్ వార్' సెట్స్‌లోకి వెళ్తారు. త్రివిక్రమ్ కూడా వెంకటేష్ సినిమాని 2026 సమ్మర్ కల్లా ఫినిష్ చేసి, వెంటనే ఈ సినిమా ప్రీ-ప్రొడక్షన్ స్టార్ట్ చేస్తారట. 2027 స్టార్టింగ్ నుంచే ఈ ప్రాజెక్ట్ రెగ్యులర్ షూటింగ్ మొదలవుతుందని సమాచారం.