సూపర్ హీరోగా నిఖిల్ సిద్ధార్ధ !
గణేష్ చతుర్థి శుభ సందర్భంలో.. ఇదే రోజున సునీల్ నారంగ్ పుట్టినరోజు కూడా జరుపుకుంటూ, శ్రీ వెంకటేశ్వర సినిమాస్ యల్ యల్ పీ తమ కొత్త ప్రాజెక్ట్‌ల గురించి గ్రాండ్‌గా ప్రకటించింది. ఇప్పటికే టాలెంటెడ్ డైరెక్టర్ శేఖర్ కమ్ములతో ఒక సినిమాను అనౌన్స్ చేసిన ఈ ప్రొడక్షన్ హౌస్.. ఇప్పుడు యంగ్ అండ్ ఎనర్జిటిక్ హీరో నిఖిల్ సిద్ధార్థతో కొలాబరేట్ కాబోతోంది. ఈ కాంబోలో స్పెషల్ ట్విస్ట్ ఏంటంటే.. ఇది ఒక సూపర్‌హీరో మూవీ.
ఈ రోజుల్లో సూపర్‌హీరో సినిమాలు బాక్సాఫీస్‌ని షేక్ చేస్తున్నాయి. ఈ నేపథ్యంలో ఈ కొత్త ప్రాజెక్ట్ కూడా అలాంటి హై-ఎనర్జీ, లార్జర్ దాన్ లైఫ్ ఎక్స్‌పీరియన్స్‌ని అందించబోతోంది. యస్వీసీ యల్ యల్ పీ టీమ్ సోషల్ మీడియాలో సూపర్ ఎక్సైటింగ్ పోస్ట్‌తో ఈ విషయాన్ని షేర్ చేసింది: “యస్వీసీ యల్ యల్ పీ - నిఖిల్. వినాయక చవితి ఉత్సాహాన్ని, సునీల్ నారంగ్ బర్త్‌డే వైబ్‌ని సెలబ్రేట్ చేస్తూ.. మేము నిఖిల్‌తో కలిసి మీకొక ఎపిక్ సినిమాటిక్ జర్నీని తీసుకొస్తున్నాం..” అంటూ తెలిపారు.
ఈ అనౌన్స్‌మెంట్‌తో పాటు... ఒక కిల్లర్ కాన్సెప్ట్ పోస్టర్‌ని కూడా రివీల్ చేశారు. ఇది నెటిజన్స్‌ని ఆకట్టుకుంటోంది. ఈ పోస్టర్‌లోని విజువల్స్ చూస్తేనే సినిమా ఎంత గ్రాండ్‌గా ఉండబోతోందో ఒక ఐడియా వస్తుంది. టీమ్ త్వరలోనే మరిన్ని డీటెయిల్స్‌ని షేర్ చేయనుంది. అది కూడా ఫ్యాన్స్‌కి మరింత హైప్ క్రియేట్ చేసేలా ఉంటుందని ఆశిస్తున్నారు.
ఇక నిఖిల్ విషయానికొస్తే, ఈ డైనమిక్ హీరో ప్రస్తుతం రెండు భారీ ప్రాజెక్ట్‌లతో సూపర్ బిజీగా ఉన్నాడు. ఒకటి ‘స్వయంభూ’, మరొకటి ‘ది ఇండియా హౌస్’. ఈ రెండు సినిమాలూ 2026లో రిలీజ్ కాబోతున్నాయి. ఈ సూపర్‌హీరో ప్రాజెక్ట్‌తో నిఖిల్ మరోసారి తన వెర్సటైల్ యాక్టింగ్‌తో ఆడియన్స్‌ని మెస్మరైజ్ చేయడానికి రెడీ అవుతున్నాడు.