కింగ్ 100వ సినిమా లాంచింగ్ అప్పుడే !

సూపర్ స్టార్ రజనీకాంత్ నటించిన ‘కూలీ’ సినిమాలో విలన్‌గా తొలిసారిగా కింగ్ నాగార్జున పరిచయమైన సంగతి తెలిసిందే. తన నాలుగు దశాబ్దాల సినీ ప్రస్థానంలో ఇప్పటికీ ఆయన మెరుస్తూనే ఉన్నారు. ఇటీవల ఆయన జీ 5 ఛానల్, ఓటీటీలో జరిగిన ‘జయమ్ము నిశ్చయమ్మురా విత్ జగపతి’ షోకి చీఫ్ గెస్ట్‌గా హాజరై.. తన 100వ సినిమా గురించి ఆసక్తికరమైన వివరాలను వెల్లడించారు నాగ్.

నాగార్జున తెలిపిన వివరాల ప్రకారం.. ఈ చిత్రం కోసం ఆయన ‘నీతం ఒరు వానం’ ఫేమ్ దర్శకుడు రా కార్తీక్‌ దర్శకత్వంలో ఒక సినిమాలో ఆయన నటించబోతున్నారు. గత ఏడు నెలలుగా ప్రీ-ప్రొడక్షన్ పనులు జరుగుతు న్నాయని, ఈ సినిమా యాక్షన్‌తో నిండి ఉంటుందని ఫ్యాన్స్‌కి హామీ ఇచ్చారు. ఈ ప్రాజెక్ట్‌ను ఆయన పుట్టినరోజైన ఆగస్టు 29, 2025న గ్రాండ్‌గా లాంచ్ చేయనున్నట్లు సమాచారం.

ఇదిలా ఉండగా... నాగార్జున ఐకానిక్ క్లాసిక్ చిత్రం ‘శివ’ సెప్టెంబర్ 2025లో 4K ఫార్మాట్‌లో రీ-రిలీజ్ కానుంది. ఖచ్చితమైన తేదీ త్వరలో ప్రకటించ నున్నారు. తన 100వ సినిమా, బిగ్ బాస్ 9 హోస్టింగ్ వంటి బాధ్యతలతో నాగార్జున షెడ్యూల్ ఎంతో బిజీగా ఉంది.