కొత్త సినిమా కోసం నాగచైతన్య కసరత్తులు !
నాగ చైతన్య ప్రస్తుతం యన్ సీ 24 అనే టెంటేటివ్ టైటిల్‌తో ఒక మిథికల్ థ్రిల్లర్ సినిమాలో నటిస్తున్నాడు. ఈ చిత్రం ఇటీవల హైదరాబాద్‌లోని అన్నపూర్ణ స్టూడియోస్ సమీపంలో భారీ కేవ్ సెట్‌తో షూటింగ్ ప్రారంభించింది. సినిమా స్కేల్‌ను బట్టి దాదాపు ఒక సంవత్సరం పాటు నిర్మాణం కొనసాగనుంది. ఇందులో నాగ చైతన్య ఒక అడ్వెంచరస్ పాత్రలో కనిపించనున్నాడు. ఈ రోల్ కోసం పెద్ద ఎత్తున ఫిజికల్ ట్రాన్స్‌ఫర్మేషన్‌లో ఉన్నాడు.
ఇటీవల అతను తన ఫిట్‌నెస్ కోచ్‌లు అరుణవ భట్టాచార్య, బిశ్వజిత్ బసక్‌లతో ఫొటోలు షేర్ చేస్తూ.. తన ఫిట్‌నెస్ జర్నీలో కీలక పాత్ర పోషించిన అరుణవకు కృతజ్ఞతలు తెలిపాడు. ఈ సినిమా కోసం నాగ చైతన్య మరింత కండలతో కూడిన, రగ్గడ్ లుక్‌ను సొంతం చేసుకుంటున్నాడు. తాజా ఫొటోల్లో అతను తన కొత్త హెయిర్‌ స్టైల్‌ను దాచడానికి టోపీ ధరించాడు, ఇది అతని డిఫరెంట్ లుక్‌ను ఇంకా రివీల్ చేయనున్నట్లు సూచిస్తోంది.
యన్ సీ 24 మూవీని కార్తీక్ దండు డైరెక్ట్ చేస్తున్నాడు. ఇతను తన తొలి సినిమా “విరూపాక్ష”తో ప్రేక్షకులను ఆకట్టుకున్నాడు. ఈ చిత్రాన్ని శ్రీ వెంకటేశ్వర సినీ చిత్ర ఎల్‌ఎల్‌పీ, సుకుమార్ రైటింగ్స్ సంయుక్తంగా నిర్మిస్తున్నాయి. మీనాక్షి చౌదరి ఈ సినిమాలో ఫీమేల్ లీడ్‌గా నటిస్తోంది. ప్రీవియస్ గా ‘తండేల్’ మూవీతో మంచి సక్సెస్ అందుకున్న చైతూ.. ఈ మూవీతో మరింతగా తన గ్రాఫ్ ను పెంచుకోవాలి అనుకుంటున్నాడు. మరి ఈ సినిమా అతడికి ఏ రేంజ్ సినిమా అవుతుందో చూడాలి.