‘హిట్ 3’ టీమ్ కు మద్రాస్ హైకోర్ట్ నోటీసులు

మద్రాస్ హైకోర్టు 'హిట్ 3' సినిమా టీమ్‌కు ఓ సీరియస్ నోటీసు జారీ చేసింది. ప్లగేరిజం ఆరోపణలపై వాళ్లు జులై 7, 2025 లోగా స్పందించాలని ఆర్డర్ వచ్చింది. ఇంతకీ ఈ గొడవ ఏంటంటే, విమలవేలన్ అలియాస్ విమల్ అనే స్క్రిప్ట్ రైటర్.. తాను చాలా రోజుల క్రితం నటుడు నానికి ఓ సినాప్సిస్ పంపానని, ఆ కథని 'హిట్ 3'లో కాపీ కొట్టేశారని ఫైర్ అవుతున్నాడు. విమల్ చెప్పుకొన్నదాని ప్రకారం, సినిమా బేసిక్ స్క్రిప్ట్ తన కథకు సరిగ్గా మ్యాచ్ అవుతోందట.

విమల్ ఈ ఇష్యూ మీద నాని, డైరెక్టర్ శైలేష్ కొలను, సినిమా నిర్మాతలపై మద్రాస్ హైకోర్టులో కేసు వేశాడు. ఇంట్రెస్టింగ్ ట్విస్ట్ ఏంటంటే.. విమల్ నానీకి పెద్ద ఫ్యాన్ అని చెప్పుకుంటున్నాడు. అతను తన స్క్రిప్ట్‌ని ఆగస్టు 4, 2021న సౌత్ ఇండియన్ ఫిల్మ్ రైటర్స్ అసోసియేషన్‌లో రిజిస్టర్ చేశాడని, ఆ తర్వాత ఆగస్టు 8, 2022న నానికి సినాప్సిస్ పంపినట్లు చెప్పాడు. నానితో కలిసి కొన్ని ప్రాజెక్ట్స్ చేయాలని ఆశపడ్డాడట. కానీ ఇప్పుడు ఈ గొడవలో ఇరుక్కున్నాడు.

ఇప్పుడు నాని టీమ్, శైలేష్ కొలను, నిర్మాతలు కోర్టుకు తమ వాదన సమర్పించాల్సి ఉంది. ఈ ఆరోపణలపై వాళ్లు ఎలాంటి క్లారిటీ ఇస్తారో చూడాలి. 'హిట్ 3' సినిమా మే 1, 2025న థియేటర్లలో రిలీజైంది. బాక్సాఫీస్ వద్ద సినిమా సగటు వసూళ్లతో ఓ మోస్తరు పర్ఫార్మెన్స్ ఇచ్చింది. కానీ ఈ కాంట్రవర్సీ వల్ల సినిమా మరింత హైలైట్ అవుతోంది. నీట్‌గా ఈ కేసు ఎటు వెళ్తుందో, నాని టీమ్ ఎలా రియాక్ట్ అవుతుందో వెయిట్ చేసి చూడాల్సిందే.