విజయ్ దేవరకొండ కు జోడీగా కీర్తి సురేశ్?
మహానటి కీర్తి సురేష్ ఎట్టి పరిస్థితుల్లోనూ స్పీడ్ తగ్గించడం లేదు. ఇటీవల కొన్ని సినిమాలు బాక్సాఫీస్ వద్ద బొల్తా కొట్టినప్పటికీ, హిందీలో 'బేబీ జాన్' ఫ్లాప్ అయినా, ఆమె చేతిలో ఇప్పుడు 'సెక్టార్ 36' వంటి ఆసక్తికరమైన ప్రాజెక్ట్ ఉంది. అదే సమయంలో... సౌత్ ఇండస్ట్రీలో ఆమె ప్రాజెక్టుల ఎంపికలో సూపర్ కేర్‌ఫుల్‌గా వ్యవహరిస్తోంది. ఇండస్ట్రీ టాక్ ప్రకారం.. సూర్య తెలుగు డెబ్యూ సినిమాకి బదులు, విజయ్ దేవరకొండతో ఓ ప్రాజెక్ట్‌ను గ్రీన్ సిగ్నల్ ఇచ్చినట్లు సమాచారం.
కీర్తి సురేష్‌కి ఇప్పటికే సాలిడ్ ఫ్యాన్ బేస్ ఉంది. కుటుంబ ప్రేక్షకుల నుంచి యూత్ వరకూ ఆమె సినిమాలకు మంచి ఆదరణ ఉంటుంది. ఈ ఫ్యాక్టర్ ఆమె సినిమాలకు ఎప్పుడూ ప్లస్ పాయింట్‌గా నిలుస్తుంది. ఆమె సినిమా అంటే, ఫ్యామిలీ ఆడియన్స్ థియేటర్లకు క్యూ కడుతుంటారు, అదీ ఆమె స్ట్రెంగ్త్. లేటెస్ట్ బజ్ ఏంటంటే, సూర్య తెలుగు డెబ్యూ సినిమాలో రొమాంటిక్ లీడ్‌గా నటించమని కీర్తిని అప్రోచ్ చేశారట. ఇప్పటికే మమితా బైజు ఆ ప్రాజెక్ట్‌లో భాగమైంది. కానీ ఆమె సూర్యకి జోడీగా కాదని టాక్.
ఈ ప్రాజెక్ట్ కోసం పాన్-ఇండియా ఇమేజ్ ఉన్న హీరోయిన్‌ను వెతుకుతున్నారట. కీర్తి గతంలో సూర్యతో 'తానా సేర్న్ద కూటం' లాంటి సినిమాల్లో కలిసి నటించింది, కాబట్టి ఆ కాంబో మళ్లీ సెట్ అవుతుందని అందరూ ఊహించారు. కానీ, ఆమె అంచనాలను తలకిందులు చేస్తూ, దిల్ రాజు, రవి కిరణ్ కోలా, విజయ్ దేవరకొండ కాంబినేషన్‌లో రూపొందుతున్న 'రౌడీ జనార్ధన' సినిమాను ఎంచుకున్నట్లు తెలుస్తోంది. అయితే, ఈ విషయంపై ఇంకా అధికారిక కన్ఫర్మేషన్ రాలేదు.
ఇదిలా ఉంటే, కీర్తి ప్రస్తుతం 'రివాల్వర్ రీటా' మరియు 'ఉప్పు కప్పురంబు' సినిమాలతో ఫుల్ బిజీగా ఉంది. ఈ రెండు ప్రాజెక్టులూ ఆమె టాలెంట్‌ను మరోసారి ప్రూవ్ చేసేలా ఉన్నాయని ఇండస్ట్రీ వర్గాలు చెబుతున్నాయి. ఒకవైపు హిందీలో, మరోవైపు సౌత్‌లో ఇలా బ్యాలెన్స్ చేస్తూ, తన కెరీర్‌ను స్టెడీగా ముందుకు తీసుకెళ్తోంది కీర్తి. ఆమె నెక్స్ట్ మూవ్‌పై ఫ్యాన్స్‌తో పాటు ఇండస్ట్రీ కూడా ఆసక్తిగా ఎదురుచూస్తోంది.