కళ్యాణ్ రామ్ 21.. టైటిల్ ముహూర్తం ఫిక్స్!

నందమూరి కళ్యాణ్ రామ్ కొత్త సినిమాకి సంబంధించి క్రేజీ అప్డేట్ వచ్చింది. కళ్యాణ్ రామ్ 21వ చిత్రంగా ప్రచారంలో ఉన్న ఈ సినిమాకి టైటిల్ అనౌన్స్ చేయబోతున్నారు. మార్చి 8న అందుకు ముహూర్తం ఫిక్స్ చేశారు. NKR21 టైటిల్ అనౌన్స్‌మెంట్ సందర్భంగా రిలీజ్ చేసిన పోస్టర్ ఆకట్టుకుంటుంది.

ఈ చిత్రంలో లేడీ సూపర్ స్టార్ విజయశాంతి కీలక పాత్రలో కనిపించనుండగా, సయీ మంజ్రేకర్ కథానాయికగా నటిస్తుంది. బాలీవుడ్ నటుడు సోహైల్ ఖాన్ కూడా ముఖ్య పాత్రలో కనిపించనున్నాడు. 'కాంతార' ఫేమ్ అజనీష్ లోక్‌నాథ్ ఈ మూవీకి మ్యూజిక్ డైరెక్టర్. ప్రదీప్ చిలుకూరి దర్శకత్వం వహిస్తున్న ఈ సినిమాని ఎన్.టి.ఆర్ ఆర్ట్స్, అశోక్ క్రియేషన్స్ సంయుక్తంగా నిర్మిస్తున్నాయి. ఈ మూవీ టైటిల్ అనౌన్స్‌మెంట్ తో పాటు రిలీజ్ డేట్ పైనా క్లారిటీ వచ్చే అవకాశం ఉంది.