‘జీ2’ విడుదలయ్యేది అప్పుడేనా?

యంగ్ హీరో అడివి శేష్ తన కెరీర్‌లో ఇప్పుడు ఫుల్ జోష్‌లో ఉన్నాడు. ప్రస్తుతం ఒకటి కాదు, రెండు కాదు, ఏకంగా మల్టిపుల్ సినిమాలను నిర్మాణంలో ఉంచి, ఇండస్ట్రీలో సందడి చేస్తున్నాడు. ఇటీవలే ఫ్యాన్స్‌కి ఓ బిగ్ అప్‌డేట్ ఇచ్చాడు. డిసెంబర్ 2025 నుంచి మొదలుపెట్టి.. వరుసగా మూడు సినిమాలను బ్యాక్-టు-బ్యాక్ రిలీజ్ చేయబోతున్నానని ప్రామిస్ చేశాడు. ఈ లిస్ట్‌లో మొదటిది “డెకాయిట్”. ఇందులో అతనితో పాటు బాలీవుడ్ బ్యూటీ మృణాళ్ ఠాకూర్ ఫిమేల్ లీడ్ లో కనిపించబోతోంది.

“డెకాయిట్” షూటింగ్ ఇప్పుడు ఫుల్ స్వింగ్‌లో జరుగుతోంది. అడివి శేష్ గతంలో చెప్పినట్లు డిసెంబర్ 25, 2025న ఈ మూవీ థియేటర్లలోకి వస్తే గ్రేటే. కానీ ఇంత టైట్ షెడ్యూల్‌లో మిగిలిన రెండు సినిమాలను 2026 లో రిలీజ్ చేయడం సాధ్యమవుతుందా? అని ఇండస్ట్రీ వర్గాల్లో డిస్కషన్ నడుస్తోంది. ఎందుకంటే.. శేష్ సినిమాలు అనగానే పర్ఫెక్షన్ కోసం సమయం తీసుకోవడం, ఒక్కో ప్రాజెక్ట్‌కి ఏళ్ల తరబడి వర్క్ చేయడం అతని ట్రేడ్‌మార్క్‌లా మారిపోయింది.

అయినా సరే.. అడివి శేష్ తన నెక్స్ట్ బిగ్ ప్రాజెక్ట్ “జీ2” గురించి సూపర్ కాన్ఫిడెంట్‌గా ఉన్నాడు. “గూడచారి” సీక్వెల్ అయిన ఈ సినిమా షెడ్యూల్ ప్రకారమే సాగుతోందని.. 2026లో ఎలాంటి డిలేలు లేకుండా గ్రాండ్‌గా రిలీజ్ అవుతుందని గట్టిగా చెప్పాడు. ఈ స్పై థ్రిల్లర్‌లో బాలీవుడ్ స్టార్ ఇమ్రాన్ హాష్మీ విలన్ గా కనిపించబోతున్నాడు. ఇక హీరోయిన్‌గా వామికా గబ్బీ ఫైనలైజ్ అయింది. ఆమె ఫ్రెష్ లుక్ సినిమాకి మరో హైలైట్ అవుతుందని అంటున్నారు.