చిరు - బాబీ మూవీ షూటింగ్ ఎప్పటినుంచి?
మెగాస్టార్ చిరంజీవి, నటసింహం బాలకృష్ణ వంటి టాప్ స్టార్స్‌తో కలిసి సూపర్ హిట్ సినిమాలు తీసిన డైరెక్టర్ బాబీ కొల్లి.. మరోసారి చిరంజీవితో జోడీ కడుతున్నారు. ఈ కొత్త ప్రాజెక్ట్ గురించి ఇంకా అధికారిక ప్రకటన రాకపోయినా, సెప్టెంబర్ 2025 నుంచి షూటింగ్ స్టార్ట్ అవుతుందని టాక్ వినిపిస్తోంది. ఈ సినిమా గురించిన బజ్ సోషల్ మీడియాలో ఇప్పటికే ఫుల్ స్వింగ్‌లో ఉంది. ఫ్యాన్స్ ఎప్పుడెప్పుడు అప్‌డేట్స్ వస్తాయా అని ఆత్రంగా ఎదురుచూస్తున్నారు.
ఈ భారీ ప్రాజెక్ట్ కోసం సినిమాటోగ్రాఫర్‌గా తన కెరీర్‌ని స్టార్ట్ చేసి, ఆ తర్వాత డైరెక్టర్‌గా మారిన కార్తీక్ ఘట్టమనేనిని రంగంలోకి దింపారు. కార్తీక్ తన సినిమాటోగ్రఫీ స్కిల్స్‌తో ఈ సినిమాకి విజువల్ మ్యాజిక్ తీసుకొస్తారని అందరూ ఆశిస్తున్నారు. అధికారిక ప్రకటన కోసం అందరూ ఆసక్తిగా వెయిట్ చేస్తున్నారు. ఇదిలా ఉంటే... ‘దసరా’ సినిమాతో సెన్సేషన్ క్రియేట్ చేసిన డైరెక్టర్ శ్రీకాంత్ ఒదెలతో కూడా చిరు ఓ సినిమా చేయబోతున్న సంగతి తెలిసిందే. కానీ.. శ్రీకాంత్ ప్రస్తుతం నాని హీరోగా ‘ది ప్యారడైస్’ అనే సినిమాతో బిజీగా ఉన్నారు. దీంతో ఆ ప్రాజెక్ట్ మొదలవడానికి కాస్త టైమ్ పట్టొచ్చు.
చిరంజీవి షెడ్యూల్ ప్రస్తుతం సూపర్ ప్యాక్డ్‌గా ఉంది. బాబీ కొల్లితో ఈ కొత్త సినిమా, అనిల్ రావిపూడితో ఓ ప్రాజెక్ట్, శ్రీకాంత్ ఒదెలతో మరో సినిమా, ఇప్పటికే షూటింగ్ జరుపుకుంటున్న ‘విశ్వంభర’ ... ఇవి నాలుగు సినిమాలు ఖాయంగా ఉండగా.. ఇంకా కొన్ని ప్రాజెక్ట్‌లు జోడైనా ఆశ్చర్యం లేదు. చిరంజీవి ఏమాత్రం స్పీడ్ తగ్గించే ఆలోచనలో లేరని స్పష్టం. ఈ వయసులోనూ ఈ ఎనర్జీ, ఈ డెడికేషన్ చూస్తే ఫ్యాన్స్‌కి పూనకాలే. రాబోయే నెలల్లో ఒక్కో అప్‌డేట్‌తో సోషల్ మీడియాని షేక్ చేయడానికి మెగాస్టార్ సిద్ధంగా ఉన్నారు.