‘జటాధర‘ కోసం రంగంలోకి సోనాక్షి

బాలీవుడ్ బ్యూటీస్ వరుసగా టాలీవుడ్ కి క్యూ కడుతున్నారు. ఈ లిస్టులోకి సోనాక్షి సిన్హా కూడా చేరబోతుంది. వెటరన్ యాక్టర్ శతృఘ్న సిన్హా తనయ సోనాక్షి.. 2010లో సల్మాన్ ఖాన్ ‘దబాంగ్’తో బాలీవుడ్‌లో అడుగుపెట్టింది. ఆ తరువాత పలు వాణిజ్య ప్రకటనలతో పాటు.. పలు బాలీవుడ్ హిట్స్ లో భాగస్వామ్యమయ్యింది.

లేటెస్ట్ గా సుధీర్ బాబు నటిస్తున్న 'జటాధర'లో ఫీమేల్ లీడ్ గా సోనాక్షి ఫైనలైజ్ అయ్యింది. ఈ విషయాన్ని ఈరోజు మహిళా దినోత్సవం సందర్భంగా స్పెషల్ పోస్టర్ తో ప్రకటించింది టీమ్. ఈ పోస్టర్ లో సోనాక్షి లుక్ ఎంతో పవర్ ఫుల్ గా కనిపిస్తుంది.

వెంకట్ కళ్యాణ్ దర్శకత్వంలో తెరకెక్కుతున్న ‘జటాధర’ ఇప్పటికే ముహూర్తాన్ని జరుపుకుంది. సూపర్ నేచురల్ మైథలాజికల్ థ్రిల్లర్‌గా ఈ సినిమా రూపొందుతోంది. జీ స్టూడియోస్ సమర్పణలో ఉమేష్ కె.ఆర్. బన్సాల్, ప్రేరణ అరోరా నిర్మిస్తున్న ఈ చిత్రం రెగ్యులర్ షూట్ కి రెడీ అవుతుంది.