చుక్క విషం ఇవ్వమనే పరిస్థితి వస్తుంది : దర్శన్
కన్నడ ఛాలెంజింగ్ స్టార్‌ దర్శన్ కేసు ప్రస్తుతం దక్షిణ భారత మీడియా వర్గాల్లో హాట్ టాపిక్‌గా మారింది. హత్య కేసులో అరెస్ట్‌ అయ్యి జైలులో ఉండటంతో పాటు ఆయన కోర్టులో ఉన్న పరిస్థితి కూడా చాలా దయనీయంగా ఉందని చెబుతున్నాడు. హత్య కేసులో నిందితుడిగా విచారణ ఎదుర్కొంటున్న దర్శన్ ఇటీవల కోర్టులో షాకింగ్ వ్యాఖ్యలు చేశాడు.
న్యాయమూర్తి ముందుకు వచ్చి మాట్లాడిన దర్శన్, తన అరెస్టు అయినప్పటి నుండి మానసికంగా, శారీరకంగా తీవ్రంగా బాధపడుతున్నానని, ఆ బాధ అసలు సహించలేనిది కావడంతో కొన్నిసార్లు "ఒక చుక్క విషం ఇవ్వమని" అడిగే పరిస్థితి వస్తుందని చెప్పాడు. కన్నడ సినిమా ఇండస్ట్రీలో టాప్‌ స్టార్‌గా.. విస్తృతమైన అభిమాన వర్గాన్ని కలిగి ఉన్న దర్శన్ అరెస్టు, క్రూరమైన హత్య కేసులో ఆయన పేరు బయటకు రావడం పరిశ్రమను, అభిమానులను షాక్‌కు గురి చేసింది.
జైలులోకి వెళ్లిన తర్వాత ఆయన చాలా కష్టాలు పడుతున్నాడని, అక్కడి కఠిన పరిస్థితులను తట్టుకోలేకపోతున్నాడని రిపోర్టులు చెబుతున్నాయి. కోర్టులో అతడు చేసిన వ్యాఖ్యలు, తనపై పడుతున్న మానసిక ఒత్తిడి, భావోద్వేగ భారం ఏ స్థాయిలో ఉందో స్పష్టంగా చూపించాయి. అతడి మాటలు కొందరిని కదిలించగా, మరోవైపు ఈ కేసు ఎంత సీరియస్‌గా మారిందో కూడా అవగాహన కలిగించాయి. దర్యాప్తు కొనసాగుతూనే ఉండగా, అతడి ఆరోగ్యం, మానసిక స్థితి కోర్టుకు ఆందోళన కలిగిస్తున్నాయి.
దర్శన్ తాను ఎదుర్కొంటున్న పరిస్థితులు తట్టుకోలేనివని చెబుతుండగా, చివరికి కోర్టు ఏ నిర్ణయం తీసుకుంటుందో చూడాలి. అతడిపై ఉన్న హత్య కేసు ఎంత దారుణమైనదో దృష్టిలో పెట్టుకుని, ఈ కేసులో వచ్చే తీర్పు అందరి దృష్టిని ఆకర్షించనుంది.