రూ. 200 కోట్ల దిశ గా మోహన్ లాల్ 'తుడరుమ్'

రూ. 200 కోట్ల దిశ గా మోహన్ లాల్ 'తుడరుమ్'ది కంప్లీట్ యాక్టర్ మోహన్ లాల్ తాజా చిత్రం "తుడరుమ్" టికెట్ కౌంటర్ల వద్ద ఇప్పటికి హౌస్ ఫుల్ బోర్డు లు వేలాడుతున్నాయి. క్రైమ్ థ్రిల్లర్ నేపథ్యంలో రూపొందిన ఈ సినిమాకు విమర్శకుల ప్రశంసలు, ప్రేక్షకుల ప్రశంసలు రెండూ పుష్కలం గా దక్కాయ్. తరుణ్ మూర్తి దర్శకత్వం వహించిన ఈ చిత్రం ప్రదర్శన ట్రేడ్ పండితుల్ని సైతం ఆశ్చర్యానికి గురిచేస్తోంది.

తొలి వారం రోజుల్లోనే తుడరుమ్ ప్రపంచ వ్యాప్తం గా సుమారు రూ. 120 కోట్ల గ్రాస్ వసూళ్లు సాధించింది. మాలీవుడ్ ఇండస్ట్రీ కి ఇది అసాధారణమైన విజయంగా పరిగణించ బడుతోంది. ఇప్పుడు ఈ సినిమా రూ. 200 కోట్ల గ్రాస్ మార్క్ దిశగా దూసుకుపోతోంది. కేరళలో ఈ చిత్రం ఇప్పటివరకు రూ. 50 కోట్ల గ్రాస్ వసూలు చేసింది. లైఫ్‌టైమ్ వసూళ్లలో ఇది రూ. 100 కోట్ల మార్క్ చేరుతుందని అంచనా.

అంతర్జాతీయ మార్కెట్ల నుంచి $7 మిలియన్ (సుమారు రూ. 58 కోట్లు) పైగా వసూళ్లు వచ్చాయి. ఈ వారాంతానికి, మోహన్‌లాల్ నటించిన ఈ చిత్రం "అవేశం", "ఆడు జీవితం'' వంటి బ్లాక్‌బస్టర్‌ల లైఫ్‌టైమ్ రికార్డులను అధిగమించనున్నదిగా ట్రేడ్ వర్గాలు భావిస్తున్నాయి.

తెలుగులో కూడా తుడరుమ్ విడుదలైందేమో కానీ, ప్రమోషన్ లేకపోవడం వల్ల ఆ భాషలో పెద్దగా గుర్తింపు పొందలేకపోయింది. అయితే మలయాళ ప్రేక్షకుల్లో మాత్రం ఈ సినిమాకు విపరీతమైన క్రేజ్ ఏర్పడింది.