'కిష్కింధపురి' నుంచి రొమాంటిక్ మెలోడీ

బెల్లంకొండ సాయి శ్రీనివాస్, అనుపమ పరమేశ్వరన్ జంటగా నటిస్తున్న చిత్రం 'కిష్కింధపురి'. 'రాక్షసుడు' వంటి హిట్ తర్వాత వీరిద్దరి కలయికలో వస్తోన్న మరో మూవీ ఇది. కౌశిక్ పెగళ్లపాటి దర్శకత్వం వహిస్తున్న ఈ చిత్రాన్ని షైన్ స్క్రీన్స్ బ్యానర్ పై సాహు గారపాటి నిర్మిస్తున్నారు. లేటెస్ట్ గా ఈ మూవీ నుంచి 'ఉండిపోవే నాతోనే..' అంటూ సాగే రొమాంటిక్ మెలోడీ రిలీజయ్యింది.

చైతన్ భరద్వాజ్ సంగీతం అందించిన ఈ గీతానికి పూర్ణాచారి సాహిత్యం అందించగా, జావెద్ అలీ ఆలపించారు. సముద్రపు అందాలతో రాజ్ సుందరం మాస్టర్ కొరియోగ్రఫీ చేసిన ఈ సాంగ్ లిరికల్ గా ఆకట్టుకుంటుంది. ఇటీవల 'భైరవం'తో ఫర్వాలేదనిపించిన బెల్లంకొండ 'కిష్కింధపురి'తో పాటు.. 'హైందవ, టైసన్ నాయుడు' వంటి మరికొన్ని సినిమాలను లైన్లో పెట్టాడు.