పూరి సేతుపతి మూవీ ప్రారంభం

డాషింగ్ డైరెక్టర్ పూరి జగన్నాథ్, మక్కల్ సెల్వన్ విజయ్ సేతుపతి కాంబోలో రూపొందుతున్న చిత్రం ముహూర్తాన్ని జరుపుకుంది. ‘పూరి సేతుపతి‘ వర్కింగ్ టైటిల్ తో తెరకెక్కుతోన్న ఈ చిత్రాన్ని పూరి కనెక్ట్స్ పై పూరి జగన్నాథ్, ఛార్మీ సంయుక్తంగా నిర్మిస్తున్నారు. ఈ ఓపెనింగ్ సెరమనీలో హీరోహీరోయిన్లు విజయ్ సేతుపతి, సంయుక్త మీనన్ కూడా పాల్గొన్నారు. ఈరోజు నుంచి ఈ చిత్రం షూటింగ్ కూడా మొదలు పెట్టుకుంది.

ఈ లాంగ్ షెడ్యూల్ లో విజయ్ సేతుపతి, సంయుక్త మీనన్, టబు, దునియా విజయ్ లపై కీలక సన్నివేశాలు తెరకెక్కించనున్నాడట డైరెక్టర్ పూరి జగన్నాథ్. తెలుగుతో పాటు తమిళం, కన్నడ, మలయాళం, హిందీ భాషల్లో ఈ చిత్రం రూపొందుతుంది. ఈ సినిమాలో విజయ్ సేతుపతి ఓ బిచ్చగాడి పాత్రలో కనిపించనున్నాడట. పూరి జగన్నాథ్ తన మార్క్ కమర్షియల్ ఎలిమెంట్స్ తో పాటు ఈ సినిమాలో ఓ సందేశాన్ని అందించనున్నాడట.