ప్రియదర్శి కొత్త సినిమా ప్రకటన!

కమెడియన్ గా మొదలైనా హీరోగా తనకంటూ ప్రత్యేక గుర్తింపు తెచ్చుకున్నాడు ప్రియదర్శి. 'కోర్ట్' మూవీతో తన కెరీర్ లోనే ఘన విజయాన్ని అందుకున్నాడు. లేటెస్ట్ గా 'ప్రేమంటే' అనే సినిమాతో ప్రేక్షకుల ముందుకు రాబోతున్నాడు. ఈ సినిమాలో ప్రియదర్శికి జోడీగా ఆనంది నటిస్తుంది. 'థ్రిల్‌ యు ప్రాప్తిరస్తు' అనేది ఈ మూవీకి ట్యాగ్ లైన్.

నవనీత్‌ శ్రీరామ్ దర్శకత్వంలో రానా దగ్గుబాటి, పుస్కూర్ రామ్‌మోహన్ రావు, జాన్వి నారంగ్ ఈ చిత్రాన్ని నిర్మిస్తున్నారు. ఈ సినిమాలో యాంకర్ సుమ కూడా కీలక పాత్రలో కనిపించబోతుంది. లేటెస్ట్ గా ఈ మూవీ ఫస్ట్ లుక్ ను అక్కినేని యువ సామ్రాట్ నాగచైతన్య సోషల్ మీడియా వేదికగా విడుదల చేశాడు. ఈ చిత్రం ఇప్పటికే 65% చిత్రీకరణ పూర్తి చేసుకుంది.