'జాట్'కి కొత్త రేంజ్ హైప్
బాలీవుడ్ యాక్షన్ స్టార్ సన్నీ డియోల్, టాలీవుడ్ మాస్ డైరెక్టర్ గోపీచంద్ మలినేని కాంబినేషన్‌లో రూపొందిన చిత్రం ‘జాట్’. ట్రైలర్ రిలీజ్ తర్వాత 'జాట్'పై దేశవ్యాప్తంగా భారీ అంచనాలు నెలకొన్నాయి. ఈ చిత్రాన్ని మైత్రి మూవీ మేకర్స్, పీపుల్ మీడియా ఫ్యాక్టరీ కలిసి ఎంతో ప్రతిష్టాత్మకంగా నిర్మించారు.
తెలుగు దర్శకుడు గోపీచంద్ మలినేని దర్శకత్వం వహించడం, మాస్ యాక్షన్ కోణంలో సన్నీ డియోల్‌ను ప్రెజెంట్ చేయడం ఈ సినిమాకు ప్రత్యేక ఆకర్షణగా నిలుస్తున్నాయి. 'జాట్' ఏప్రిల్ 10న గ్రాండ్‌గా రిలీజ్ కాబోతుంది.
తెలుగులో కూడా ఈ సినిమా విడుదలవుతుందనే ఆశలు పెరిగినప్పటికీ, తాజా సమాచారం ప్రకారం ప్రస్తుతానికి ఇది కేవలం హిందీ వెర్షన్‌ మాత్రమే విడుదల కానుంది. తెలుగు డబ్బింగ్ పనులు ఇంకా పూర్తి కాకపోవడంతో ఈ నిర్ణయం తీసుకున్నట్లు తెలుస్తోంది.
ఇదిలా ఉంటే, సినిమాపై బజ్ మరింత పెంచేందుకు 'జాట్' టీమ్ పాన్ ఇండియా స్టార్ ప్రభాస్‌ను కలవడం, ఆ ఫోటోలు సోషల్ మీడియాలో వైరల్ కావడం సినిమాపై ఆసక్తిని పెంచుతుంది. రణ్‌దీప్ హుడా, రెజీనా కాసాండ్ర, సయ్యామీ ఖేర్, వినీత్ కుమార్ సింగ్, జగపతిబాబు, రమ్యకృష్ణ వంటి నటులు ఈ చిత్రంలో కీలక పాత్రల్లో కనిపించనుండగా, థమన్ సంగీతాన్ని అందించాడు.