ముచ్చటగా మూడోసారి నాని-అనిరుధ్ కాంబో!

కోలీవుడ్ రాక్ స్టార్ అనిరుధ్ తో సినిమా చేసేందుకు తమిళనాట అగ్ర కథానాయకులంతా ఎంతో ఆసక్తిగా ఎదురు చూస్తుంటారు. అయితే అనిరుధ్ మాత్రం తెలుగులో నేచురల్ స్టార్ నానితో పనిచేయడానికి ప్రత్యేకమైన ఆసక్తిని చూపిస్తాడు. ఇప్పటికే నాని-అనిరుధ్ కాంబోలో ‘జెర్సీ, గ్యాంగ్ లీడర్‘ వంటి సినిమాలొచ్చాయి. ఇప్పుడు ముచ్చటగా మూడోసారి వీరిద్దరూ కలిసి పనిచేయబోతున్నారు.

నాని-శ్రీకాంత్ ఓదెల కాంబోలో రూపొందుతున్న ‘ది ప్యారడైజ్‘ మూవీకి మ్యూజిక్ డైరెక్టర్ గా అనిరుధ్ ఫిక్సయ్యాడు. ఈ విషయాన్ని చిత్రబృందం అధికారికంగా ప్రకటించింది. అలాగే త్వరలోనే ‘ది ప్యారడైజ్‘ షూటింగ్ మొదలవ్వబోతుందనే హింట్ కూడా ఇచ్చింది. ‘ది ప్యారడైజ్‘ చిత్రాన్ని ఎస్.ఎల్.వి. సినిమాస్ పై సుధాకర్ చెరుకూరి నిర్మిస్తున్నారు. ఇప్పటికే ‘దసరా‘ వంటి సూపర్ హిట్ అందుకున్న నాని-శ్రీకాంత్ ఓదెల కాంబోలో వస్తోన్న ‘ది ప్యారడైజ్‘పై భారీ అంచనాలున్నాయి.