ఆకట్టుకుంటున్న ‘హలగలి‘ టీజర్

‘పుష్ప‘ సిరీస్ లో జాలి రెడ్డిగా తెలుగు ప్రేక్షకులకు బాగా సుపరిచితుడు డాలీ ధనుంజయ్. కన్నడలో హీరోగా మంచి పేరు తెచ్చుకున్న ధనుంజయ్ లేటెస్ట్ గా ‘హలగలి‘ అనే పాన్ ఇండియా మూవీతో వస్తున్నాడు. ఈ సినిమాలో ‘కాంతార‘ ఫేమ్ సప్తమి గౌడ హీరోయిన్ గా నటిస్తుంది.

సుఖేష్ నాయక్ దర్శకత్వంలో కళ్యాణ్ చక్రవర్తి ధూళిపల్ల నిర్మాణంలో ఈ చిత్రం రూపొందుతుంది. లేటెస్ట్గ ఈ మూవీ గ్లింప్స్ ఆకట్టుకుంటుంది. బ్రిటీష్ ఇండియా కాలంలో జరిగిన ఓ వాస్తవ సంఘటన ఆధారంగా ఈ చిత్రాన్ని రూపొందిస్తున్నారు. హలగలి అనే ఊరిపై దండయాత్ర చేసిన బ్రిటిష్ సైన్యాన్ని, అక్కడి నాయకుడు ఎలా ప్రతిఘటించాడు అన్నదే ఈ మూవీ స్టోరీగా గ్లింప్స్ ను బట్టి తెలుస్తోంది. గ్లింప్స్‌లోని భారీతనం, యాక్షన్ బ్లాక్స్, ధనుంజయ్ స్క్రీన్ ప్రెజెన్స్ ఆకట్టుకుంటున్నాయి.