'శుభం'తో హారర్ హంగామా!

హీరోయిన్‌గా పీక్స్ చూసిన సమంత కొన్నాళ్లుగా సినిమాలను తగ్గించింది. అయితే ప్రస్తుతం సామ్ నిర్మాతగా తొలి అడుగులు వేస్తుంది. ఆమధ్య తానే ప్రధాన పాత్రలో ‘మా ఇంటి బంగారం’ అనే సినిమాని అనౌన్స్‌ చేసింది. అయితే అంతకంటే ముందే 'శుభం' చిత్రంతో నిర్మాతగా ప్రేక్షకుల ముందుకు రాబోతుంది.

ఆమె స్థాపించిన త్రలాలా మూవింగ్ పిక్చర్స్ బ్యానర్ నుంచి తొలి సినిమాగా 'శుభం' ప్రాజెక్ట్‌ వస్తోంది. హారర్ కామెడీ కథాంశంతో తెరకెక్కిన ఈ చిత్రంలో యువ నటీనటులు కీలక పాత్రలు పోషించారు. 'సినిమా బండి' ఫేమ్ ప్రవీణ్ కండ్రేగుల దర్శకత్వంలో ఇప్పటికే ఈ చిత్రం చిత్రీకరణ పూర్తి చేసుకుంది. లేటెస్ట్ గా ఈ మూవీ టీజర్ రిలీజ్ చేశారు. ఈ టీజర్ లో హారర్ ఎలిమెంట్స్ ను హైలైట్ చేశారు. త్వరలో ఈ చిత్రం ప్రేక్షకుల ముందుకు రానుంది.