కాలంతో పోటీ పడుతున్న సూపర్ స్టార్ !
ఇప్పటి హీరోలు సంవత్సరానికి ఒకటి లేదా రెండే సినిమాలు చేస్తూ కాలం గడుపుతున్నారు. అయితే ఒకప్పుడు స్టార్ హీరోలు ఏకంగా ఆరు సినిమాలకుపైగా చేయడం సాధారణమే. కానీ ఇప్పుడు పరిస్థితి పూర్తిగా మారిపోయింది. అయితే ఈ జాబితాలో రజినీకాంత్ లేరు. ఈ వయసులో కూడా ఆయన తన స్టైలే వేరు అని నిరూపించుకుంటున్నారు.
తాజాగా.. మాస్ డైరెక్టర్ లోకేశ్ కనగరాజ్ దర్శకత్వంలో తెరకెక్కిన 'కూలీ' షూటింగ్‌ను రజినీకాంత్ మార్చి 18న పూర్తి చేశారు. ఈ విషయాన్ని చిత్రబృందం అధికారికంగా సోషల్ మీడియాలో వెల్లడించింది. అయితే, ఒక్క క్షణం కూడా వృధా చేయకుండా 'జైలర్ 2' సెట్స్‌లో అడుగుపెట్టారు రజినీకాంత్. నెల్సన్ దిలీప్‌కుమార్ దర్శకత్వంలో ఈ సినిమా రూపుదిద్దుకుంటోంది.
ఈ సందర్భంగా కార్తీక్ సుబ్బరాజ్ పుట్టినరోజు వేడుకను జైలర్ 2 సెట్స్‌లో జరిపారు. దీనికి సంబంధించిన ఫోటోను లోకేశ్ కనగరాజ్ సోషల్ మీడియాలో షేర్ చేశారు. ఈ వయసులో కూడా రజినీకాంత్ చూపిస్తున్న స్పీడ్, ఎనర్జీ, డెడికేషన్ యువతకు స్ఫూర్తిదాయకం. ఆయన సినిమాల కోసం అభిమానులు ఎప్పుడూ ఆసక్తిగా ఎదురుచూస్తుంటారు. ఇక 'కూలీ' 2025 ఆగస్టులో ప్రపంచవ్యాప్తంగా విడుదల కానుంది.